Կալանավորվել է Մասիսի քաղաքապետի եղբայրը՝ պոռնկությամբ զբաղվելուն նպաստելու գործով

 ArmLur.am-ին հայտնի է դարձել, որ Քննչական կոմիտեն կալանավորել է Մասիսի քաղաքապետի՝ Դավիթ Համբարձումյանի  եղբորը՝ պոռնկությամբ զբաղվելուն նպաստելու գործով:

Նշենք, որ Քննչական կոմիտեն հանդես է եկել հայտարարությամբ, որտեղ ասվում է.

ՀՀ քննչական կոմիտեի հատկապես կարևոր գործերի քննության գլխավոր վարչությունում իրականացված բազմակողմանի քննությամբ պարզվել են երկու և ավելի անձանց պոռնկությամբ զբաղվելուն նպաստելու դեպքի հանգամանքները։

Մինչդատական վարույթում իրականացված քննչական և դատավարական այլ գործողությունների արդյունքում պարզվել է, որ Մասիս քաղաքի 33 և 39-ամյա բնակիչները, քննությամբ դեռևս չպարզված անձանց հետ նախնական համաձայնության գալով Երևան քաղաքի Բագրատունյաց պողոտայում մարմնավաճառությամբ զբաղվող անձանց պոռնկությամբ զբաղվելու նպատակով նշված տարածքում կանգնելը թույլատրելու, գործունեության ընթացքում առաջացած խոչընդոտները հարթելու, տեղափոխման համար տրանսպորտային միջոցներ տրամադրելու եղանակով նպաստելու, ինչպես նաև նրանց կողմից հաճախորդներից ստացված գումարները հավաքագրելու միջոցով օգուտ ստանալու շուրջ, մարմնավաճառներից մեկի օժանդակությամբ, 2021թ. մարտից մինչև հունիսն ընկած ժամանակահատվածում նպաստել են մի շարք անձանց պոռնկությամբ զբաղվելուն:

Նախօրոք ձեռք բերված պայմանավորվածության համաձայն՝ Մասիս քաղաքի բնակիչներն ամենօրյա ռեժիմով վերոնշյալ մարմնավաճառներից պահանջել են գումար: 39-ամյա տղամարդը ինչպես անձամբ, այնպես էլ մարմնավաճառներից մեկի միջոցով ամբողջությամբ կամ մասամբ ստացել է պոռնկությամբ զբաղվելու ընթացքում ստացված գումարը, որի մի մասն էլ իր հերթին պարբերաբար փոխանցել է 33-ամյա համաքաղաքացուն և քննությամբ դեռևս չպարզված այլ անձանց:

Պարզվել է նաև, որ նշված տարածքում պոռնկությամբ զբաղվող կանանցից մեկը պարբերաբար տեղեկատվություն է տրամադրել 39-ամյա տղամարդուն՝ այլ մարմնավաճառի գտնվելու վայրի, սեռական բնույթի ծառայություններ մատուցելու և դրա արդյունքում աշխատած գումարների վերաբերյալ՝ օժանդակելով պոռնկությամբ զբաղվելուն նպաստելուն:

Ձեռք բերված բավարար ապացույցների համակցությամբ՝ Մասիս քաղաքի երկու բնակիչներին մեղադրանք է առաջադրվել՝ ՀՀ քրեական օրենսգրքի 262-րդ հոդվածի 2-րդ մասի 1-ին և 5-րդ կետերով: Նրանց նկատմամբ որպես խափանման միջոց է կիրառվել կալանավորումը: Մարմնավաճառ կնոջը մեղադրանք է առաջադրվել՝ ՀՀ քրեական օրենսգրքի 38-262-րդ հոդվածի 2-րդ մասի 1-ին և 5-րդ կետերով, և որպես խափանման միջոց ընտրվել է չհեռանալու մասին ստորագրությունը:

Նշված երեք անձանց մասով նախաքննությունն ավարտվել է:

Նկատենք, որ այս կալանավորումը տեղի է ունենում ՏԻՄ ընտրություններից առաջ: Նշենք, որ օրեր առաջ կալանավորվել է նաև Դավիթ Համբարձումյանի աները՝ Արշակ Հակոբյանը:

Այս թեմայով Էլեն Ասատրյանն ընտրվել է Գլենդելի քաղաքապետ Մասիսի ոստիկանները գողացված «Մերսեդեսը» հայտնաբերեցին տեխսպասարկման կետում Թմրամոլության դեմ Մասիսի ոստիկանների պայքարի երկու դրվագ Անետա Բաբայանը նշանակվել է Երևանի քաղաքապետի խորհրդական Երևանի քաղաքապետ Տիգրան Ավինյանն այցելել է ՍԻԱՍ Ակադեմիա Հայաստանի մայրաքաղաքի հանրային տրանսպորտում թյուրքական լեզվով գրություններ կան․ Հակոբ Կարապետյան Մասիսի ոստիկանների բացահայտման արդյունքում հայտնաբերվել են հուշանվեր փողեր ու թմրանյութ Բռնվեցին գողության պահին. Մասիսի քրեական հետախույզների բացահայտումը Բռնվեցին գողության պահին. Մասիսի քրեական հետախույզների բացահայտումը Սուրբ Ծննդյան տոնին ընթրիք է կազմակերպվել Մասիսի համայնքային շինություններում ապաստանած արցախցի ընտանիքների համար