ՀԱՊԿ երկրների արտգործնախարարները համատեղ հայտարարություն են ընդունել

Հավաքական անվտանգության պայմանագրի կազմակերպության (ՀԱՊԿ) անդամ պետությունների արտաքին գործերի նախարարները մտահոգված են համացանցի միջոցով բռնության և ահաբեկչության հրահրման գաղափարների տարածման կապակցությամբ և կոչ են անում ակտիվացնել աշխատանքը երիտասարդների հետ:

Այդ մասին նշված է ՀԱՊԿ ԱԳ նախարարների՝ Ստոկհոլմում ԵԱՀԿ արտգործնախարարների համաժողովի շրջանակում ընդունած համատեղ հայտարարության մեջ, որը հրապարակված է ՌԴ ԱԳՆ պաշտոնական կայքում:

«Մտահոգություն ենք հայտնում, այդ թվում՝ համացանցի միջոցով ատելության խոսքի և գաղափարների տարածման կապակցությամբ, որոնք հրահրում են բռնություն և սնուցում են ահաբեկչությունը»,- ասված է հայտարարության մեջ: Տեքստում ընդգծվել է տեղեկատվական գրագիտության զարգացման ուղղությամբ ջանքերի ակտիվացման անհրաժեշտությունը, հատկապես երիտասարդության շրջանում՝ ատելության քարոզչությունն ու ահաբեկչական գաղափարների տարածումը կանխելու համար:

Բացի այդ, նախարարները «լուրջ մտահոգություն են հայտնել ահաբեկչական նպատակներով համացանցի օգտագործման աճի կապակցությամբ, ներառյալ՝ ահաբեկչական հարձակումների ուղիղ հեռարձակումները»: Նրանք ընդգծել են միջազգային ահաբեկչության դեմ պայքարում միասնականության անհրաժեշտությունը՝ ընդգծելով այդ սպառնալիքին դիմակայելու հարցում ռազմավարությունների անհրաժեշտությունը:

Նախարարների խոսքով՝ անհրաժեշտ է կատարելագործել ահաբեկչության դեմ պայքարի առաջադիմական մեթոդները, ինչպես նաև զարգացնել համագործակցությունը ՀԱՊԿ-ի և ԵԱՀԿ անդամ երկրների միջև՝ անվտանգության ամրապնդման նպատակով:

Այս թեմայով Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հայաստանի գործունեությունը կազմակերպությունում շարունակվում է. ՀԱՊԿ գլխավոր քարտուղար Դեռ ժամանակ կա, շատ բան կարող է փոխվել. ՀԱՊԿ գլխավոր քարտուղարը՝ գագաթնաժողովին Փաշինյանի մասնակցության մասին Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Ակնկալում ենք Հայաստանի ղեկավարության քաղաքական սթափությունը. ՀԱՊԿ գլխավոր քարտուղար Հայաստանը զգալիորեն կրճատել է իր գործունեության ծավալը որպես ՀԱՊԿ անդամ․ Տասմագամբետով Հայաստանը չի մասնակցել ՀԱՊԿ ռազմական խորհրդի նիստին ՀԱՊԿ-ի խաղաղապահները գալու էին, և աստիճանաբար լուծարվելու էր մեր պետությունը. Փաշինյան ՀԱՊԿ-ն ասում է, որ ՀՀ սահմանները չի ճանաչում․ ԱԳ նախարար ՀԱՊԿ-ը միայն Երևանն ա՞ պաշտպանության տակ վերցրել, այդտեղ չենք լինի, եթե սահմանի մասով կասկած ունեն. Արմեն Խաչատրյան