Ինչպիսին է COVID-19-ի ընթացքը օմիկրոն շտամով վարակվածների մոտ․ ԱՀԿ

Առողջապահության համաշխարհային կազմակերպության (ԱՀԿ) փորձագետ Մարիա վան Կերխովեն CBS հեռուստաալիքի եթերում գնահատել է COVID-19-ի ընթացքը կորոնավիրուսի օմիկրոն շտամով վարակվածների մոտ, փոխանցում է ՏԱՍՍ-ը։

Նրա խոսքով՝ նախնական տվյալները ցույց են տալիս, որ նոր շտամով վարակվածները COVID-19-ը հաղթահարում են ավելի մեղմ ձևով, սակայն այս ցուցանիշի վերաբերյալ վերջնական եզրակացություններ անելը դեռ վաղ է։
Մասնագետը բացատրել է, որ դա պայմանավորված է նրանով, որ ամբողջ ցիկլը անցնելու գործընթացը՝ վարակից մինչև ամբողջական վերականգնում, ժամանակ է պահանջում։ «Կարող է մի քանի շաբաթ տևել, մինչև մենք իսկապես հասկանանք, թե այս հիվանդներից քանիսի մոտ կզարգանա հիվանդության ծանր ընթացք»,֊նշել է վան Կերխովեն:

Եթե ​​նույնիսկ դա թեթև հիվանդություն է, փորձագետի խոսքով, պետք է արագ գործել՝ օմիկրոն շտամի տարածումը վերահսկելու նպատակով միջոցներ ձեռնարկելու համար։ «Ավելի շատ դեպքեր կարող են նշանակել ավելի շատ հոսպիտալացումներ։ Ավելի շատ հոսպիտալացումներ կարող են նշանակել ավելի շատ մահեր», - ասել է նա:

Այս թեմայով Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել Հայաստանում առաջին անգամ հայտնաբերվել է Օմիկրոնի նոր տարբերակ ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post ԱՄՆ-ն մայիսի 12-ից չեղարկում է օտարերկրացիների համար Covid-ի դեմ պարտադիր պատվաստումը Չինաստանը տեղեկություններ ունի, որոնք կարող են լույս սփռել COVID-19-ի ծագման վրա. ԱՀԿ Բայդենը հավանություն է տվել կորոնավիրուսի պատճառով սահմանված արտակարգ դրության չեղարկմանը Ընտանիքը 330 հազար դրամի դիմաց քովիդի դեմ պատվաստման կեղծ սերտիֆիկատ է ստացել․ բացահայտում ԱՀԿ ղեկավարը վստահություն է հայտնել` 2023 թվականին COVID-19 համաճարակը կավարտվի