Ձեր հոգին մի՛ վաճառեք ազգակործան համաշխարհայնացմանն ու դրա խամաճիկներին. Ասողիկ աբեղա Կարապետյան

Ձեր հոգին մի՛ վաճառեք ազգակործան համաշխարհայնացմանն ու դրա խամաճիկներին: Այս մասին Facebook-ի իր էջում գրել է Ասողիկ աբեղա Կարապետյանը:

Նա, մասնավորապես, նշել է. «Սիրելիներ,

Դարեր շարունակ մեր Ազգը հավատարմորեն պահպանել է իր ազգային-հոգևոր ավանդություններն ու ավանդույթները: Եվ այդպես հաղթահարել է ամեն փորձություն և հարատևել իր բնիկ Հայրենիքում:

Մասնավոր հոգածությամբ և նախանձախնդրությամբ պահվել է մեր Տեր Հիսուս Քրիստոսի Սուրբ Ծննդյան և Աստվածհայտնության տոնը. հունվար 5-ի Ճրագալույցով սկսվել է տոնախմբվել Սուրբ Ծնունդը:

Ցավով և վրդովմունքով եմ արձանագրում, որ այսօր մեր որոշ երաժշտական հաստատություններ և խմբեր, թերևս տուրք տալով նյութական շահին, շրջանցում են ազգային-հոգևոր ավանդությունը և դեկտեմբեր ամսի երկրորդ կեսին կազմակերպում են Սուրբ Ծննդյան համերգներ...

Հայոց Սուրբ Ծնունդը հունվար 6-ին է, իսկ Սուրբ Ծննդյան տոնական օրերն են հունվար 5-13-ը:

Մի՛ տրվեք օտարամոլությանը, սիրելիներ, ակնածանքով և սրբությամբ պահպանեցեք ձեր Ազգի ավանդությունները:

Օտար ավանդությամբ հարազատ Ազգին շփոթության մատնելով՝ երբեք չեք կարող վայելել ոչ յուրայինի, ոչ էլ առավել ևս օտարի ճշմարիտ հարգանքը, քանի որ հարազատ ինքնության հանդեպ անհավատարմությունը միշտ էլ խոտելի է եղել և արգահատելի ամենքի կողմից: Ձեր հոգին մի՛ վաճառեք ազգակործան համաշխարհայնացմանն ու դրա խամաճիկներին:

Որքա՜ն հոգեշահ և ազգակերտ, որքա՜ն վայելուչ կլիներ, եթե այդ տոնական համերգները կազմակերպվեն հունվար 6-ից սկսյալ՝ տոնական ամեն օրը ցնծալից դարձնելով մեր ազգակիցների ու հավատակիցների համար:

Կսիրեմ հուսալ, որ Դուք, սիրելի երաժիշտ ընկերներ և հարազատներ (որոնցից շատերիդ ճանաչում եմ անձնապես, սիրում և հարգում), տակավին կանդրադառնաք և կսրբագրեք Ձեր սխալմունքը. Քրիստոնյա Հայաստանում անգիտության և նյութապաշտության խավար չպետք է լինի, Քրիստոնյա Հայաստանում Տիրոջ Սուրբ Ծնունդը պետք է տոնվի առաքելադիր կարգի համաձայն:

Ասողիկ աբեղա Կարապետյան

Զինվորյալ միաբան

Մայր Աթոռ Սուրբ Էջմիածնի»։

Այս թեմայով Վարչապետը պետք է հասկանա` հերիք եղավ, բոլ եղավ, ինչքա՞ն կտոր-կտոր տանք. գեներալ-լեյտենանտ (տեսանյութ) «Տաշիր»-ն ահաբեկչությունից հետո ուժեղացրել է անվտանգությունն իր առևտրի կենտրոններում Ոչ ոք իրավասություն չունի գյուղ հանձնելու. Արշակ Կարապետյան (տեսանյութ) Ազգակործան պատուհասները կգնան ու կկորեն պատմության աղբանոցում, քիչ մնաց․ Էդուարդ Շարմազանով Այս իշխանությունը մարդկանց օգտագործում է և փչացնում, պետք չէ հոգին ծախել սատանային. Չալաբյան Կարգալույծ է հռչակվել Մայր Աթոռ Սուրբ Էջմիածնի միաբան Հոգեշնորհ Տ. Վազգեն աբեղա Պետրոսյանը «Արգելված էր կրակ բացել հակառակորդի վրա»․ Արշակ Կարապետյանը պատասխանել է Փաշինյանին (տեսանյութ) Որոշում ենք կայացրել ստեղծել «Համահայկական ճակատ» կուսակցություն․ Արշակ Կարապետյան Անցել է 25 տարի, բայց գնալով անհնարին է դառնում համակերպվել քո բացակայությանը․ Լիլիթ Կարապետյան Սա նշան է, որ Ադրբեջանը պարզապես ցանկանում է շարունակել հակամարտությունը․ Մարիա Կարապետյան (տեսանյութ)