Ո՞վ է Նատալյա Եֆրեմովան, ում անվանում են Կիրկորովի երեխաների իսկական մայր

Ռուսական շոու բիզնեսը լի է գաղտնիքներով, որոնք կապված են երեխաների ծննդյան հետ, և ամենահետաքրքիրներից մեկն այն է, թե ով է փոփ-արքայի ժառանգների կենսաբանական մայրը։

Ֆիլիպ Կիրկորովը զգուշորեն պահպանում է իր գաղտնիքը՝ հրաժարվելով այդ մասին խոսել լրագրողների հետ, սակայն համացանցային հետախույզները վաղուց արդեն ամեն ինչ «բացահայտել» են։ 

Life.ru-ի հաղորդմամբ` Կիրկորովը նկարներ է հրապարակել Ալլա-Վիկտորիայի դստեր ծննդյան օրվանից, որին ներկա է եղել հասարակության ողջ սերուցքը։ Նրանց մեջ նկատվել է մի կին, ում քչերն են ճանաչում, սակայն նա հաճախ է հայտնվում փոփ-արքայի փակ խնջույքներին։ Պաշտոնապես նրան անվանում են կնքամայր։ Նա Նատալյա Եֆրեմովան է, ով օգնում է աստղի երեխաներին` Ալլա-Վիկտորիային և Մարտին-Քրիստոյին մեծացնելու գործում: Կինն ապրում է Կիրկորովի առանձնատանը, իսկ երեխաները նրան անվանում են «Նատաշա մայրիկ»։

Երկրպագուները վստահ են, որ Նատալիան միայն կնքամայր չէ. «Առաջին լուսանկարում աղջկա մայրն է, ինչ նման են»: Նատալյա Եֆրեմովայի և Կիրկորովի երեխաներն իսկապես շատ նման են արտաքինով, բայց համացանցային հետախույզները դեռ ապացույցներ չունեն։ Թեև երգիչն ինքը խոստովանել է, որ երեխաները փոխնակ մայր են ունեցել, սակայն չի հայտնել նրա ինքնությունը։

Հայտնի է միայն, որ Նատալյան Ֆիլիպ Կիրկորովի լավ ընկերուհին է, նրանք ծանոթացել են Prestige բուտիկում, որտեղ կինն աշխատում էր որպես վաճառողուհի։ Դրանից հետո մի քանի անց նա նշանակվել է գործադիր տնօրեն, իսկ այժմ ինքն ունի երկու բիզնես։ Նա նաև ունի չափահաս որդի, ով նույնպես ապրում է Մոսկվայում։ Կինը չի լուսաբանում իր անձնական կյանքը, իսկ նրա հետ լուսանկար կարելի է գտնել միայն Կիրկորովի էջում։