Երեկ վիրավոր զինծառայողի մասին մեզ ոչինչ չի ասվել, ՊՆ-ն ստում է. Գեղամասար համայնքի ղեկավար

Այսօր ՀՀ ՊՆ-ն հայտարարություն էր տարածել, թե  երեկ Գեղարքունիքի մարզում ներքաղաքական խնդիրներով բողոքի ակցիա իրականացնող և Վարդենիսից մայրաքաղաք տանող ճանապարհը փակած մի խումբ քաղաքացիներ, նախօրոք տեղեկանալով, որ քիչ հետո այդ ճանապարհով անցնելու է վիրավորներից մեկին Երևանի կենտրոնական կլինիկական զինվորական հոսպիտալ տեղափոխող մեքենան, զորամիավորման հրամանատարի տեղակալին հայտարարել են, թե խոչընդոտելու են նշված մեքենայի ընթացքը։ Այդ պատճառով մեքենան ստիպված Երևան է հասել շրջանցող ճանապարհով, ինչի հետևանքով էապես ուշացել է զինծառայողին ժամանակին և անհրաժեշտ բուժօգնության ցուցաբերումը։

Այս հայտարարության վերաբերյալ մանրամասներ ստանալու նպատակով ԼՈՒՐԵՐ.com-ը կապ հաստատեց Գեղամասար համայնքի ղեկավար Հակոբ Ավետյանի հետ, որը երեկ ճանապարհը փակած քաղաքացիների թվում էր:

Նա կտրականապես հերքեց ՊՆ-ի հայտարարությունը, նշելով, թե ստում են, իրենց որևէ մեկը վիրավոր զինծառայողի վերաբերյալ ոչինչ չի ասել. «Սուտ են ասում, ոչ մեկը չի խոչընդոտել շտապօգնության մեքենայի ընթացքին, իրենք են սարքել այդ «կինոն»: Մեզ մոտեցել է մեկ շտապօգնության մեքենա և ասել է, որ վթար է եղել, մենք էլ ճանապարհը բացել ենք, որ անցնի, ոչ մի խնդիր էլ չեն ունեցել: Այս հայտարարությունը անելով՝ ցանկացել են նենց բան սարքել, որ հետո մեզ վրա կարողանան քրեական գործ բացել»,- նշեց Հակոբ Ավետյանը՝ ընդգծելով, որ երեկ անգամ ոստիկաններն էին հանգիստ իրենց տեղերում. «Այսօր էլ պարզվում է, որ վիրավոր զինվորի դիմաց ճանապարհ ենք փակել»:

Նա նաև ասաց, որ այսօր առավոտյան իրեն ոստիկանություն են տարել և զգուշացրել, որ այլևս նմանատիպ բողոքի ակցիաներ չիրականացնեն. «Ոստիկանությունից առավոտյան եկան ինձ տարան, հիմա էլ եկել են, գյուղապետարանում են ստուգումներ անցկացնում, չեմ հասկանում, թե ինչ են ցանկանում գտնել»,-ասաց համայնքի ղեկավարը:

Վերջինս նաև հավելեց, որ երեկվա բողոքի ակցիայի մասնակիցներից մի քանիսին էլ են տարել ոստիկանություն:

Հիշեցնենք, որ երեկ Վարդենիսի բնակիչները փակել էին Մարտունի-Վարդենիս ճանապարհը։ Նրանք պահանջում էին ազատ արձակել «Միասնական Վարդենիս» դաշինքի ցուցակը գլխավորող Արամ Հարությունյանին։

Զվարթ Պետրոսյան

Այս թեմայով «Բացառում եմ ինքնասպանության վարկածը, մահացած զինվորի մարմնի վրա բռնության հետքեր են հայտնաբերվել». մանրամասներ «Ադրբեջանը անհնագստացած է Հայաստանում տիրող գործընթացներից. չի ցանկանում իշխանափոխություն» Ովքեր անտարբեր են Արցախը կորցնելու հարցում, դավաճաններ են. Գեղամասար համայնքի նախկին ղեկավարը Ազատության հրապարակում է Ազատության հրապարակը շարունակելու է դատարկ մնալ, միայն շոուներ ենք տեսնում. Մգեր Արմենիա «Հայաստանյան ընդդիմությունը ակտիվ գործողությունների պետք է անցնի. Արցախն այլ ելք չի թողնում» «Հայաստանը արցախցիներին թշնամու դեմ թողնում է մեն-մենակ. ցեղասպանության վտանգ կա» «Արցախի հետ կապված ամեն ինչ իշխանության մոտ առաջացնում է կլինիկական մահ և հոգեվարքային ցնցումներ» Ուրախ երգերի տակ պարողները զոհվածների մայրերը չէին. զոհվածի մայրը՝ աղմկահարույց տեսանյութի մասին «Բրյուսելում Փաշինյանը միայն լսողի և կատարողի դեր ուներ, նրան կարողացել էին ճնշել» «Վստահ եմ՝ նորից մեզ կընտրեն, մեր կատարած քայլերը ճիշտ են. հանրահավաքներով իշխանափոխության հասնելը բացառված է»