Փորձել են առաջ գալ Սոթքի ուղղությամբ, բայց չի հաջողվել. Գեղամասարի համայնքապետ

Գեղարքունիքի մարզի Սոթք համայնքի ուղղությամբ հակառակորդը մեծ ինտենսիվությամբ կրակոցներ է հնչեցրել, փորձել է առաջխաղացում ունենալ, սակայն հետ է շպրտվել մեր տղաների շնորհիվ։ Այս մասին ԼՈՒՐԵՐ․com-ի հետ զրույցում ասաց Գեղամասար խոշորացված համայնքի ղեկավար Հակոբ Ավետյանը։

«Տեղեկություն չունեմ այս պահին կոնկրետ կրակոցները շարունակվում են, թե՝ ոչ, բայց կարծում եմ՝ հաջողություններ չեն ունենա։ Կրակահերթը եղել է մեծ ինտենսիվությամբ։ Փորձել են առաջխաղացում ունենալ Սոթքի դիրքերի ուղղությամբ, բայց տղաներին հաջողվել է թույլ չտալ ադրբեջանցիներին առաջխաղացում ունենալ և հետ են շպրտվել։ Կրակոցները նույնիսկ հերթափոխին են խանգարում, չեն թողնում, որ մեքենան անցնի»,- նշեց Ավետյանը։

Հակոբ Ավետյանը հայտնեց, որ Կութի ուղղությամբ ևս կրակոցներ են հնչել, սակայն կարճ ժամանակ հանդարտվել է․ «Կութի հատվածում կրակոցներ են եղել, կարճ է տևել, հարձակումն ավելի ուժեղ է եղել Սոթքի հատվածում»,- ասաց համայնքապետը։ 

Ավելի վաղ՝ Պաշտպանության նախարարությունը հայտնել էր, որ այսօր ժամը 12։00-ի սահմաններում Ադրբեջանի ԶՈՒ ստորաբաժանումները հարձակում են գործել հայ-ադրբեջանական սահմանի արևելյան ուղղությամբ տեղակայված հայկական մարտական դիրքերի վրա։ Հայկական կողմի պատասխան գործողությունների արդյունքում հակառակորդը, կրելով մարդկային կորուստներ, հետ է շպրտվել ելման դիրքեր։

Ավելի ուշ՝ ՊՆ հաղորդեց, որ Ադրբեջանի ԶՈՒ ստորաբաժանումների ձեռնարկած նախահարձակ գործողությունների արդյունքում ծավալված փոխհրաձգության հետևանքով հայկական կողմն ունի մեկ զոհ, ևս մի քանի զինծառայող վիրավոր է։ Ժամը 14։30-ի դրությամբ փոխհրաձգությունը դադարել է։ Իրավիճակը գտնվում է ՀՀ ԶՈՒ լիարժեք վերահսկողության ներքո։

Սոնա Հարությունյան

Այս թեմայով ՀՀ ՊՆ, ԶՈՒ և ԶՈՒ ԳՇ ղեկավար կազմը այցելել է Ծիծեռնակաբերդի հուշահամալիր (տեսանյութ) Ես հրաժարական չեմ տալու. Կիրանցի վարչական ղեկավար (տեսանյութ) Սահմանազատման գործընթացն այսօրվանից մեկնարկել է. Կիրանցի վարչական ղեկավար (տեսանյութ) Հունգարիայում ՀՀ դեսպանը հանդիպել է հայ համայնքի ներկայացուցիչներին Ախուրյան համայնքի «Երազգավորսի միջնակարգ դպրոց» ՊՈԱԿ-ում փորձարկվելու է էլեկտրական շչակ Կրակոցներ՝ Արարատի մարզում․ կա վիրավոր «Հրապարակ». «Միասնական հայրենիք»-ի ղեկավար Մհեր Տերտերյանը հայտնվել է ամբաստանյալի կարգավիճակում Զարեհ Սինանյանն ու Արա Գոչունյանը խոսել են Թուրքիայի հայ համայնքի ներկայիս իրավիճակի և խնդիրների մասին Վարդենիս համայնքի Բանավան թաղամասում գործարկվելու է էլեկտրական շչակ Շիրակի մարզի Ախուրյան համայնքի Գետք բնակավայրում փորձարկվելու է շչակ