Ռուս-հայկական դաշնակցային հարաբերությունները պարզապես դատարկ խոսքեր չեն. ՀՀ-ում ՌԴ դեսպան

Ռուսաստանը մի կողմ չքաշվեց նախորդ տարի աշնանը ռազմական գործողությունների սրման հետ կապված ողբերգական իրադարձությունների ժամանակ։ Այս մասին Orbeli.am-ին տված հարցազրույցում ասել է ՀՀ-ում Ռուսաստանի դեսպան Սերգեյ Կոպիրկինը:

«Հենց ռուսական կողմի և անձամբ ՌԴ նախագահ Վլադիմիր Պուտինի ջանքերի շնորհիվ արյունահեղությունը կասեցվեց։ Կցանկանայի նշել, որ հայ ժողովրդի համար այս դժվարին ժամանակաշրջանում Ռուսաստանը, ըստ էության, միակ երկիրն էր, որը Հայաստանի կողքին էր, և ոչ թե խոսքով, այլ գործով։

Ներկա փուլում ռուսական կողմը մեծապես կարևորում է, որ հայ բնակչությունը հնարավորինս արագ հաղթահարի պատերազմի պատճառած սթրեսը, իրեն ապահով զգա և վստահություն ձեռք բերի ապագայի նկատմամբ։ Այս նպատակին են ծառայում են այն իսկապես տիտանական ջանքերը, որոնք Ռուսաստանը գործադրում է ինչպես անվտանգությունն ապահովելու, այնպես էլ մեր խաղաղապահ զորախմբի գործողության տարածքում խաղաղ կյանքը վերականգնելու, ինչպես նաև վերահսկողությունն ուժեղացնելու, ի հայտ եկած խնդիրները լուծելու և հայ-ադրբեջանական սահմանին սրումը կանխելու համար»,- ասել է Կոպիրկինը։ 

Դեսպանի խոսքով` ՌԴ-ն Երևանի ու Բաքվի հետ համագործակցությամբ հետևողականորեն հասնում է սուր հումանիտար խնդիրների լուծմանը, այդ թվում` ռազմագերիների ու պահվող անձանց վերադարձին, ինչպես նաև տարածաշրջանում իրավիճակի կարգավորման համար անհրաժեշտ պայմանների ստեղծմանը, ի շահ բոլոր երկրների` տարածաշրջանի խաղաղ ու անվտանգ զարգացմանը:

«Իմ կարծիքով` մարտահրավերները, որոնց հետ բախվել է ՀՀ-ն, ապացուցել են, որ հայ-ռուսական դաշնակցային հարաբերությունները դատարկ խոսքեր չեն: Ինչպես ասվում է` ընկերոջը ճանաչում են նեղության մեջ: Ես համոզված եմ, որ մեր հարաբերությունների հետևողական զարգացումը մեզ և մեր դաշինքի ամրությունը ստուգող փորձությունների ներկա դժվար փուլի հաղթահարման երաշխիքն են»,- նշել է Կոպիրկինը:

Այս թեմայով Հնդկաստանի Նոիդա քաղաքում կցուցադրվի Սերգեյ Փարաջանովի «Նռան գույնը» ֆիլմը Սերգեյ Ասատուրովի խափանման միջոցը փոխվեց Ընթանում է Լեւոն Քոչարյանի եւ Սերգեյ Ասատուրովի գործով դատական նիստը ՅՈՒՆԵՍԿՕ-ի կենտրոնակայանում բացվել են Սերգեյ Փարաջանովի 100-ամյակին նվիրված հոբելյանական ցուցադրությունները «Նռան գույնը» ֆիլմով ՅՈՒՆԵՍԿՕ-ի կենտրոնակայանում մեկնարկել են Սերգեյ Փարաջանովի 100-ամյակին նվիրված հոբելյանական միջոցառումները Հայաստանի և Ադրբեջանի սահմանին ռուս սահմանապահները տեղակայվել են Փաշինյանի խնդրանքով. Կոպիրկին Լեռնային Ղարաբաղ հայերի վերադարձի հարցը կարևոր է Ռուսաստանի համար. ՀՀ–ում ՌԴ դեսպան Ռուսաստանը պատրաստ է կատարել իր դաշնակցային պարտականությունները՝ Հայաստանի դեմ արտաքին ագրեսիայի դեպքում․ Կոպիրկին Ռուսական կողմը լրջորեն է վերաբերում Հայաստանին զենք տրամադրելու պարտավորությանը. Կոպիրկին (տեսանյութ) ՌԴ-ի դեմ հարձակումները բացահայտ սուտ են. այս ամենը տագնապեցնող է․ Կոպիրկին (տեսանյութ)