Համազգային դիմադրությունը կարող է վիժեցնել Թուրքիայի և նրանց սպասարկող ուժերի օրակարգը. Իշխան Սաղաթելյան

Չարիքի իշխանությունը գնում է նոր արկածախնդրության՝ ի հաշիվ ՀՀ և Արցախի կենսական շահերի և սերունդների իրավունքների։ Այս մասին ֆեյսբուքյան իր էջում գրել է ԱԺ «Հայաստան» խմբակցության անդամ Իշխան Սաղաթելյանը:

«Տևական ժամանակ հայտարարում էինք, որ Հայաստանի և Թուրքիայի իշխանությունները համատեղ իրականացնում են կուլիսային բանակցություններ, ինչը հերքվում էր Հայաստանի իշխանությունների կողմից։ Երեկ, նորից օտար աղբյուրից, այս դեպքում Թուրքիայի արտաքին գործերի նախարարի հայտարարությունից պարզ դարձավ, որ երկու երկրները պատրաստվում են հարաբերությունների կարգավորման համար հատուկ բանագնացներ նշանակել։ Ակնհայտ է, որ բանագնացների նշանակմանը նախորդել են ժողովրդի թիկունքում իրականացված գաղտնի բանակցություններ, որոնք վերաճել են մի մակարդակի, երբ պետք է նշանակվեն բանագնացներ։

Հայտնի է, որ մինչև 2020 թ․ պատերազմը Թուրքիան Հայաստանին ներկայացրել է երեք հիմնական նախապայմաններ՝ Հայոց ցեղասպանության միջազգային ճանաչումից հրաժարում, Թուրքիայի հետ առկա փաստացի սահմանի իրավական ճանաչում, Արցախյան հիմնախնդրից հրաժարում։ Թուրքիայի անմիջական մասնակցությամբ հայ ժողովրդի դեմ սանձազերծված ագրեսիայի և պատերազմի ելքից հետո Թուրքիան ավելացրեց ևս մեկ նախապայման՝ այսպես կոչված «Զանգեզուրի միջանցքի տրամադրում» Ադրբեջանին։

ՀՀ օրվա իշխանությունները, կառավարության տխրահռչակ ծրագրով ըստ էության բավարարել են Հայոց ցեղասպանության միջազգային ճանաչումից հրաժարվելու թուրքական նախապայմանը, ինչի դրսևորումներից մեկն էլ Ցեղասպանության զոհերի հիշատակի միջազգային օրվա կապակցությամբ ՀՀ ԱԳՆ-ի ամոթալի հայտարարությունն էր։ Արցախյան կարգավիճակի մասին պետական դիրքորոշման բացակայությունն էլ վկայում է թուրքական ևս մեկ նախապայմանի կատարման մասին։

Հատկանշական է, որ ՀՅԴ Բյուրոն դեռևս մարտի 16-ին, հաշվի առնելով տարբեր պաշտոնյաների հայտարարությունները, միջազգային և տարածաշրջանային զարգացումները և սեփական տեղեկությունները` հայրենիքի մի կարևոր հատված թշնամուն հանձնած իշխանություններին խստորեն զգուշացրել էր՝ Թուրքիայի Հանրապետության հետ չմտնել բանակցային այնպիսի գործընթացների մեջ, որոնք կարող են ենթադրել թուրքական պետության 100-ամյա նպատակների իրագործում։

Սիրելի հայրենակիցներ, այլևս փաստ է, որ ՀՀ և Թուրքիայի իշխանությունների միջև կա գաղտնի պայմանավորվածություն։ Թուրքիան երբեք պատրաստ չի եղել առանց նախապայմանների հաստատել դիվանագիտական հարաբերություններ։

Չարիքի իշխանությունը հերթական անգամ դիմում է նոր արկածախնդրության՝ ի հաշիվ ՀՀ և Արցախի կենսական շահերի և սերունդների իրավունքների։

Երբ ասում էինք՝ պետք է կանխենք Հայաստանի թուրքացումը, նաև հենց սա նկատի ունեինք:

Ուշ չէ. համազգային դիմադրությունը կարող է վիժեցնել Թուրքիայի և նրանց սպասարկող ուժերի օրակարգը»:

Այս թեմայով Ռուսներին դարձրել է ՀՀ ինքնիշխանության «սպառնալիք», բայց ոչ մի թթու խոսք Թուրքիայի և Ադրբեջանի մասին. Սաղաթելյան (տեսանյութ) Եթե պատերազմ լինի, այդ պատերազմը բերելու է Նիկոլ Փաշինյանը. Սաղաթելյան Հակազդեցություն` տավուշյան, համահայաստանյան և համահայկական մակարդակներում. Իշխան Սաղաթելյանը հրապարակել է առաջիկա քայլերը Սամսոնյանի և Սաղաթելյանի պաշտպանները բողոքարկել են դատարանի որոշումը ՀՀ անվտանգության գլխավոր սպառնալիքը Նիկոլ Փաշինյանն է, այլ ոչ թե Արցախի պետական ինստիտուտները. Սաղաթելյան Մարտունիում ու Հրազդանում ներկայացրել ենք ստեղծված ճգնաժամը հաղթահարելու մեր տեսլականը․ Իշխան Սաղաթելյան Տավուշի գյուղերը չտալու բանաձևը համահայկական և համազգային դիմադրությունն է․ Իշխան Սաղաթելյան Վազգեն Սաղաթելյանին կալանավորելու միջնորդության վերաբերյալ որոշումը կհրապարակվի առավոտյան 11:00-ին Ընդդիմախոսներին լռեցնելու փորձերը Հայաստանում հաստատված բռնատիրական համակարգի ամենավառ ցուցիչն է․ Սաղաթելյան Սահմանագծումը սկսել են Տավուշից, որ թշնամուն բերեն մեր զինվորի թիկունք. Իշխան Սաղաթելյան (տեսանյութ)