«ՔՊ-ականացնել» Վեդին ամեն գնով. Գարիկ Սարգսյանը վա-բանկ է գնում

Վեդի համայնքում նոր ընտրություններ կանցկացվեն՝ ՔՊ և «Հանրապետության» թեկնածուների ինքնաբացարկ հայտնելու պատճառով։ 2021-ի դեկտեմբերի 5-ին Վեդիում տեղի ունեցած ընտրությունների արդյունքներով առաջատար էր «Իմ հզոր համայնք» կուսակցությունը՝ ձայների 42,86 %-ով, ՔՊ-ն երկրորդ տեղում էր՝ 38,04 %-ով, «Հանրապետություն» կուսակցությունը ստացել է ձայների 16,31 %-ը:

Վեդիում ՔՊ-ի ցուցակը գլխավորած հայտնի «կոկորդիլոսագետ» Գարիկ Սարգսյանը, ըստ էության, գնում է վա-բանկ` օգտագործելով ձեռքի տակ եղած վերջին խաղաքարտը և ամեն գնով փորձելով ապահովել ՔՊ-ի հաղթանակը: Այս հարցում էլ Սարգսյանին օգնության է հասել Արամ Սարգսյանի ղեկավարած «Հանրապետություն»-ը, որը Վեդու ՏԻՄ ընտրություններում հավաքել էր ամենաքիչ ձայները՝ 3346: Բայց իրավիճակն այնպես է դասավորվել, որ  ընդդիմադիր Սպարտակ Թաթիկյանը չի կարող միայնակ դառնալ Վեդու խոշորացված համայնքի ղեկավար, նա չի հավաքել 50 %+ ձայն․ դա նշանակում է, որ առաջին պլան էր մղվում «Վեդեցի Գոջ» մականունը կրող երիտասարդը՝ Գագիկ Հակոբյանը:

Մամուլը գրել էր, որ իշխանությունները ամեն ձև փորձել են ճնշում բանեցնել Հակոբյանի վրա, քանի որ վերջինս չէր համաձայնվում աջակցել Սարգսյանին: Նա այդ տեսակետը նաև հայտնել էր իր հրապարակային ելույթում:  Դրանից հետո հայտնի դարձավ, որ «Վեդի ալկո» գործարանի տարածքում  Հակոբյանին ծեծի են ենթարկվել: Ընդ որում, ինչպես հայտնի դարձավ հետո, «Վեդի ալկո» գործարանի տարածքից  ոստիկանական բաժին բերման են ենթարկել միմիայն ծեծվողին՝ «Վեդեցի Գոջին»: Այսինքն՝ ոստիկանությունը փորձել է ջրել Գարիկ Սարգսյանի անվան շուրջ հերթական հավանական սկանդալը: 

Սակայն հետընտրական սկանդալներն այսքանով չավարտվեցին. «Հզոր համայնք» կուսակցության աջակից Տիգրան Նահապետյանն ու «Հանրապետություն» կուսակցության ցուցակը գլխավորած Գագիկ Հակոբյանի՝ Գոջիի աջակից Բորիկ Հովակիմյանը, որոնք աշխատում են Վեդիի էլեկտրացանցում, վիճել են, թե ով պետք է դառնա Վեդիի համայնքապետ, և լեզվակռիվն այնքան է թեժացել, որ Գոջիի համակիրը սեղանից դանակը վերցրել ու դանակահարել է Տիգրան Նահապետյանին` խոցելով թոքը: 

Ստացվում է, որ, ամեն դեպքում, Հակոբյանին հաջողվել է մտափոխել և քաղաքական հաշվեհարդարին հետևել է «Հանրապետության» հայտարարությունը՝ ինքնաբացարկ հայտնելու մասին: Չի բացառվում, որ առաջիկա օրերին հենց Սարգսյանը նշանակվի Վեդու քաղաքապետի ԺՊ և իր գլխավորությամբ վարչական լծակներով անցկացվեն Վեդու խոշորացված համայնքի նոր ընտրություններ: Եթե նոր ընտրությունների արդյունքում էլ Սարգսյանին չհաջողվի ՔՊ-ի համար բավարար քանակի ձայն հավաքել, ապա դա արդեն կարող է չներվել Փաշինյանի կողմից: Շիրակի և Լոռու մարզպետների ձախողումները ցույց տվեցին, որ ընտրություններում ՔՊ-ի համար բավարար ջանք չթափելուց հետո իշխանությունները յուրայինների հայտնի և անհայտ չարաշահումները հիշեցին, չի բացառվում, որ Սարգսյանի դեմ էլ կիրառվի հենց այդ պատժամիջոցը, իսկ հիշելու և հիշեցնելու բան, ինչպես ասում են, շատ կա...

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)