Թալինի ավագանու խմբակցությունները պատրաստ են շարունակել իրենց աթոռակռիվը. Տավրոս Սափեյան

Թալինի ավագանու երեք խմբակցությունները փորձում են քաղաքական ճգնաժամ առաջացնել մեր համայնքում: Այս մասին հայտարարություն է տարածել դեկտեմբերի 17-ին Թալինիա ավագանու անդրանիկ նիստում համայնքապետ ընտրված ՔՊ ներկայացուցիչ Տավրոս Սափեյանը:

Նա ֆեյսբուքյան իր էջում գրել է. «Սիրելի՛ հայրենակիցներ, Թալին աշխարհի հարգելի՛ բնակիչներ, հետևում են մնացել համայնքի խոշորացման համար ծանր ընտրությունները։

Կարծես պարզվեց ամեն ինչ, կարծես պիտի հանդարտվեին տարատեսակ կրքերը։ Կարծես հնարավորություն ենք ստացել ավագանու նորացված կազմով ու ղեկավարով լծվելու համայնքային խնդիրների լուծմանը, որոնց վրա այդքան սևեռված էինք քարոզարշավի ընթացքում, և որոնց շուտափույթ լուծումներն էին խոստանում ոմանք։

Այսօր այդ բոլոր շռայլ խոստումների հեղինակները փորձում են քաղաքական ճգնաժամ առաջացնել մեր համայնքում, ինչի հետևանքով կխաթարվի մեր համայնքի բնակիչների բնականոն կյանքը և անհամեմատ կդժվարանա համայնքապետարանի աշխատանքը։

Փաստացի, խմբակցությունները պատրաստ են բոլորիս բնականոն կյանքն ու աշխատանքը խաթարելով շարունակել իրենց աթոռակռիվը՝ բացահայտելով, որ իրենց նպատակը բոլորովին էլ համայնքային խնդիրները լուծելը և համայնքը զարգացնելը չէր, այլ իշխանության ձեռքբերումն ու ռևանշիզմը։

Սիրելի՛ հայրենակիցներ, այս ամենով հանդերձ, մենք հաստատում ենք մեր պատրաստակամությունը լծվելու սիրելի ժողովրդի առջև ստանձնած պարտավորությունների կատարմանը, չտրվելու՛ զանազան սադրանքների, տեր կանգնելու՛ մեր ազնիվ հաղթանակին։

Սիրելի՛ թալինցիներ, մենք սիրում և հարգում ենք բոլորիդ, պատրաստ ենք ծառայել բոլորիդ, ուստի ողջ համայնքին ենք կոչ անում միավորվելու համերաշխ ու բարեկեցիկ համայնք ստեղծելու գործի շուրջ։ Աստված զորավիգ մեր արդար գործին»:

Ավելի վաղ հայտնել էինք, որ Թալին համայնքի ավագանու երեք խմբակցությունները հայտարարել են, որ կդիմեն դատարան` վիճարկելու քաղաքապետի ընտրության օրինականությունը:

Այս թեմայով «Ժողովուրդ». Ովքե՞ր կլինեն ՄԻԵԴ-ի 3 լավագույն թեկնածու դատավորները. ընտրելու ժամանակ է տրված Եռուզեռ՝ Աշտարակ-Թալին ճանապարհի 42 կմ հատվածում «Ժողովուրդ». ՔՊ-ն կհանդիպի ՍԴ դատավորի թեկնածու Դավիթ Խաչատուրյանի հետ. իշխանությունը դրական է տրամադրված ԱԺ նախագահը հայտարարություն է տարածել Սահմանադրական դատարանի դատավորի թեկնածու առաջադրելու մասին «Ժողովուրդ». Իշխանությունը դեկանի թեկնածու ունի. թեժ պայքար Հյուսիս-հարավի Աշտարակ-Թալին ճանապարհահատվածի գրեթե ամբողջ երկայնքով ակտիվ շինաշխատանքներ են ընթանում Բերման է ենթարկվել Թալին խոշորացված համայնքի Մաստարայի վարչական ղեկավարը «Հրապարակ». Աշտարակ քաղաքի ՔՊ-ական համայնքապետ Թովմաս Շահվերդյանին մի քանի անգամ կանչել են Հակակոռուպցիոն կոմիտե «Ժողովուրդ». Գորիսի համայնքապետ Առուշ Առուշանյանը կանդամագրվի՞ «Քաղաքացիական պայմանագիր» կուսակցությանը 00 oo 000 համարանիշը գնել է Գորիսի համայնքապետ Առուշ Առուշանյանի հայրը․ «Հրապարակ»