Վերջին շրջանում ականտեսն ենք դառնում որոշ աշխատակիցների` անընդունելի, ողջ ԱԱԾ-ի հեղինակությունն ստվերող գործողությունների. Արթուր Վանեցյան

ԱԱԾ նախկին տնօրեն, «Հայրենիք» կուսակցության նախագահ, «Պատիվ ունեմ» խմբակցության ղեկավար Արթուր Վանեցյանը շնորհավորական ուղերձ է հղել ԱԱԾ օրվա առթիվ․ 

«ՀՀ ազգային անվտանգության ծառայության հարգելի՛ սպաներ, պատվարժան վետերաններ, սիրելի ընկերներ, սրտանց շնորհավորում եմ ձեզ այս կարևոր և նշանակալի մասնագիտական տոնի առթիվ։ 

Որպես ՀՀ Ազգային անվտանգության ծառայության երկարամյա սպա, այդ կառույցի պաշտոնաթող ղեկավար, որպես զինակից ընկեր ու եղբայր կցանկանայի հենց այս կարևոր առիթով ընդգծել, որ Հայաստանի անվտանգության մարմինները և դրանց աշխատակիցները, անկախ քաղաքական վայրիվերումներից, պետք է մշտապես հանդես գան մեկ միասնական ու կուռ ընտանիքի կարգավիճակով, շարունակելով այն փառավոր ավանդույթները, որ մենք մշտապես ունեցել ենք որպես մեր հայրենիքի անվտանգության զինվորներ: 

Վերջին շրջանում, ցավոք, մենք ականտեսն ենք դառնում որոշ աշխատակիցների՝ այդ թվում սպաների անընդունելի, սպայի պատիվն արատավորող, ողջ Ազգային անվտանգության ծառայության հեղինակությունն ստվերող գործողությունների: Ազգային անվտանգության ծառայությունում նման վտանգավոր երևույթները պետք է բացառվեն, նման սպաների գործողությունները չեն կարող և չպետք է հանդուրժվեն՝ առաջին հերթին հենց համակարգի ներսում՝ կոլեգաների կողմից:

Անկախ օրվա իշխանությունների բնույթից, քաղաքական միջավայրից ու գործընթացներից՝ պետք է միշտ հիշել, որ մեր գիտելիքները և ունակությունները անհրաժեշտ է ի սպաս դնել բացառապես Հայաստանի ու Արցախի, մեր ժողովրդի ազգային ու պետական անվտանգության ապահովմանը, քանի որ մեզ ուսուցանել և դաստիարակել են հենց այդ ոգով՝ ծառայելու միայն և միայն Հայրենիքին։ 

Ի սրտե մաղթում եմ բոլորիդ քաջառողջություն, անփորձանք ու անվտանգ ծառայություն, անձնական ու գործնական բազում հաջողություններ՝ հանուն մեր հայրենիքի և ազգի վերածննդի ու անվտանգության։ 

Պատիվ ունե՛մ»

Այս թեմայով Ո՞վ է իրավունք տվել Տավուշում սահմանազատում իրականացնել ու ՀՀ ԶՈՒ-ն վերատեղակալե՞լ. Արթուր Խաչատրյան Բռնցքամարտիկներ Արթուր Բազեյանը, Արարատ Հարությունյանը և Համլետ Հարությունյանը ԵԱ-ի քառորդ եզրափակչում են ԵԱ․ Արթուր Բազեյանը հաղթեց 1/8 եզրափակչում (տեսանյութ) Աշխարհի գավաթ․ Արթուր Դավթյանը՝ ոսկե մեդալակիր (տեսանյութ) Բռնցքամարտի ԵԱ․ Արթուր Սահակյանը հաղթել է Եվրոպայի գործող չեմպիոնին Արթուր Դավթյանը դուրս է եկել Աշխարհի գավաթի խաղարկության եզրափակիչ (տեսանյութ) Արթուր Վանեցյանը 1 մլն դրամ է փոխանցել Սամվել Վարդանյանի գրավի համար Արթուր Մարտիրոսյանը ներկայացրել է ՀՀ-ում իրականացվող բարեփոխումները Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան «Հրապարակ». Երբ եւ որտեղ տեղի կունենա Արթուր Վանեցյանի որդու հարսանիքը