Մարությանը հանցագործության մասին հաղորդո՞ւմ է ներկայացնում Նիկոլ Փաշինյանի և ՔՊ-ի դեմ

Այսօր ընթացող Երևանի ավագանու նիստի ընթացքում բավականին կոշտ ելույթով հանդես եկավ դեռևս քաղաքապետի պաշտոնը զբաղեցնող Հայկ Մարությանը: Վերջինս արեց մի շարք սկանդալային հայտարարություններ, որոնցով, ըստ էության, մեղադրեց Նիկոլ Փաշինյանին և ՔՊ-ականների մեծամասնությանը հեղափոխության ուղղուց շեղվելու և նախկին իշխանության արատավոր բարքերը շարունակելու մեջ:

Սակայն, Մարությանի հայտարարությունները սոսկ մեղադրանք չէին, դրանք պետք է գրավեն իրավապահ մարմինների ուշադրությունը, քանի որ հանդիսանում էին ոչ այլ ինչ, քան հաղորդում հանցագործության մասին:

Դիցուք՝ Մարությանը պնդում է, որ այս տարիներին տարբեր առիթներով իրեն են զանգել բարձր պաշտոններ զբաղեցնող անձինք և պահանջել քաղաքապետարանի այս կամ այն աշխատակցին հեռացնել աշխատանքից՝ վատ քոմենթի կամ ստատուսի պատճառով: Սա, անշուշտ, պաշտոնեական դիրքի չարաշահման դասական դրվագ է:

Այնուհետև Մարությանը հայտարարեց, որ տարատեսակ պաշտոնատար անձինք զանգահարել են իրեն և փորձել իրենց մերձավորների համար արտոնություններ ստանալ: 

Մարությանը նաև հայտարարեց, որ ի տարբերություն մյուս պետական գերատեսչությունների՝ քաղաքապետարանը ամենաակտիվն է պայքարել համակարգային կոռուպցիայի դեմ: Սրանով Մարությանը անկնարկում է, որ պետական մյուս գերատեսչություններում չեն կարողանում կամ չեն ցանկանում լիարժեք պայքարել կոռուպցիայի դեմ:

Բացի այդ, Մարությանը պնդում է, որ կառավարությունը, ասել է թե՝ Նիկոլ Փաշինյանը օրինականացնում է նախկին և գործող պաշտոնյաների ապօրինի տները, կառույցները՝ 912-Ն որոշման հիման վրա: 

Կասկածից վեր է, որ այս բոլոր թվարկված դրվագները կարող են բավարար հիմք հանդիսանալ գլխավոր դատախազության համար՝ Մարությանի հայտարարությունները ստուգելու և քրեական գործեր հարուցելու համար, որպեսզի  վերը նշված դեպքերին և դրանցում ներգրավված պաշտոնյաների գործողություններին տրվի իրավական գնահատական: Իր հերթին Հայկ Մարությանը, եթե լիարժեք անկեղծ է հասարակության հետ, պետք է առնվազն իրավապահ մարմիններին հայտնի այն պաշտոնյաների անունները, ովքեր իրեն են դիմել՝ ապօրինի պահանջներ ներկայացնելով: Եվ եթե գլխավոր դատախազությունը իսկապես ենթարկվում է միայն օրենքին, ինչպես հաճախ է հայտարարում գլխավոր դատախազ Արթուր Դավթյանը, ապա վերը նշված հանցագործության մասին հաղորդումներն օր առաջ պետք է ուսումնասիրության առարկա դարձվեն...:

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)