Պետությունը 2022 թվականին մշակույթի ոլորտին կտրամադրի 1 մլրդ 600 մլն դրամ

2022 թվականին պետությունը մշակույթի ոլորտին կտրամադրի 1 մլրդ  600 մլն դրամ:

Այս մասին դեկտեմբերի 22-ին լրագրողների հետ զրույցում ասաց ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը:

Նա հիշեցրեց, որ 2021-ին համավարակի, պատերազմի ողբերգական հետևանքների պատճառով պետական բյուջեն մի քանի անգամ կրճատվել է: Կրճատվել է նաև մշակույթի ոլորտին տրամադրվող գումարը, սակայն 2022-ին մշակույթին հատկացվող գումարը կհասցվի այն շեմին, որը կար 2020 թվականին:

«2021 թվականին հատկացվել էր շուրջ 834 մլն  դրամ, իսկ 2022-ին՝ շուրջ 1 մլրդ  600 մլն դրամ: Այստեղ ընդունում ենք և՛ ուղղակի դրամաշնորհները, և՛ մրցութային կարգով հատկացվելիք գումարները»,-ասաց փոխնախարարը:

Խզմալյանն ընդգծեց, որ աննախադեպ ծավալների են հասել 2019-2020-2021 թվականներին թատերահամերգային կառույցներին, թանգարաններին, մշակութային այլ հաստատություններին կապիտալ հատկացումների ծավալները: «2021-ին  թատերահամերգային կազմակերպությունների նյութատեխնիկական բազայի համալրման ծրագրով հատկացվել է 174, 8 մլն դրամ, այստեղ և՛ Պարոնյանի թատրոնին հատկացվելիք 1, 5 մլն  դրամն է, և՛ Երևանի կամերային պետական թատրոնին, Համազգային թատրոնին, որին բոլորովին վերջերս կառավարության որոշմամբ տրամադրվեց 168 մլն դրամ: Սա համարում եմ տարվա լավագույն ձեռքբերումներից մեկն ու շնորհավորում եմ թատրոնի ամբողջ կազմին: Սա վերջը չէ. պետական բյուջեով գրեթե  նույն ծավալով հատկացում կլինեն նաև 2022 թվականին, և մենք կունենանք լիարժեք զինված, վերազինված մի կառույց: Սա համահունչ է  այն արդյունքներին, որոնք Համազգային թատրոնը գրանցում է վերջին ժամանակաշրջանում»,-շեշտեց Խզմալյանն ու հավելեց՝ 2020-ին Տիկնիկային թատրոնին հատկացվել էր 21 մլն դրամ և ամբողջությամբ արդիականացվել էր լուսային տեխնիկան, իսկ այժմ ՀՀ կառավարության որոշման նախագիծ է շրջանառվում, ըստ որի՝ շուրջ 44 մլն դրամ գումար կարող է հատկացվել արդեն ձայնային տեխնիկայի արդիականացման համակարգի համար:

Փոխնախարարը հույս ունի, որ նախագիծը կընդունվի ու ամբողջապես արդիականացված մանկական թատրոն կունենանք:

Արա Խզմալյանը տեղեկացրեց, որ ներդրումներ թատրոնների շենքերի կապիտալ նորոգման ծրագրով հատկացվել է 54, 5 մլն դրամ, ներդրումներ թանգարանների ու պատկերասրահների հիմնանորոգման ծրագրով՝  108, 5 մլն դրամ, աջակցություն քանդակների, արձանների պատրաստման, տեղադրման ու վերականգնման աշխատանքներին ուղղված ծրագրով՝ 96, 4 մլն դրամ, հուշարձանների ամրակայում, նորոգում և վերականգնում ծրագրի շրջանակում՝ 242, 7 մլն դրամ, իսկ կինեմատոգրաֆիայի ծրագրով Հայաստանի ազգային կինոկենտրոնին հատկացվել է 20 մլն դրամ:

2022-ին շուրջ 1 մլրդ դրամ հատկացվելու է թատերահամերգային կազմակերպությունների կապիտալ նորոգումների և նյութատեխնիկական բազայի արդիականացմանը:

«767 մլն դրամ տրամադրվելու է  նյութատեխնիկական բազայի համալրմանը: Ներդրումներ թատրոնների շենքերի կապիտալ վերանորոգման ծագրով՝ շուրջ 213 մլն դրամ, իսկ հուշարձաններին կհատկացվի 108 մլն դրամ: Սա աննախադեպ ցուցանիշ եմ համարում: Մենք բարձրացնում ենք մեր չափանիշները պետական կառույցների ֆինանսական ինքնավարության և ներկայանալիության տեսանկյունից, ուրեմն պետք է աջակցենք, որ այդ արտաբյուջեի գեներացման համար լինեն համապատասխան պայմաններ, իսկ դա առանց ժամանակակից տեխնիկայի դժվար է պատկերացնել»,-ասաց նա:

Փոխնախարարի խոսքով՝այդ ծրագրերից օգտվել ու օգտվելու են այն կառույցները, որոնք  լայն միջազգային համագործակցություն են ապահովել, հանդես են եկել հեղինակավոր միջազգային փառատոններում, ներկայանալի են եղել ու թույլ են տալիս ասելու, որ ժամանակակից  հայ թատրոն կա:

Այդ կառույցներից են Սոս Սարգսյանի անվան Համազգային թատրոնը, Կ. Ստանիսլավսկու անվան պետական ռուսական դրամատիկական թատրոնը, Մայր թատրոնը, Երևանի Հովհաննես Թումանյանի անվան պետական տիկնիկային թատրոնը, Հակոբ Պարոնյանի անվան երաժշտական կոմեդիայի պետական թատրոնը, Երևանի մնջախաղի պետական և այլ հաստատություններ:

Այս թեմայով ՀՀ պետական բյուջե մուտքագրվել է ավելի քան 20 մլն ՀՀ դրամ. ԲԸՏՄ «Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում Ավետիք Չալաբյանը 1 մլն դրամ է փոխանցել Սամվել Վարդանյանի գրավի համար Գերմանացի` 2018 թվականին մահացած ճանաչված միլիարդատիրոջը հայտնաբերել են Մոսկվայում՝ սիրուհու տանը (լուսանկարներ) Արթուր Վանեցյանը 1 մլն դրամ է փոխանցել Սամվել Վարդանյանի գրավի համար Հարավային Կորեան 200 մլն դոլարի մարդասիրական օգնություն կտրամադրի Ուկրաինային «Ռոբիս ապրեցնելը դարձավ իմ կյանքի շարժիչ ուժը». Ռոբերտ Հայրապետյանն անմահացել է 2022 թ. սեպտեմբերի 13-ին Իշխանասարում. «Փաստ» Մինչև 2020-ը Ադրբեջանը 27 մլրդ դոլարի զենք է գնել, իսկ Հայաստանը` 6.5-ից 7 մլրդ դոլարի Որքան եկամուտ են ունեցել Բայդեն ամուսինները անցած՝ 2023 թվականին 40+10 հազար դրամ աջակցության ծրագրի շահառուների շրջանակն ընդլայնվել է