Կոռուպցիան հո պոզով-պոչով չի՞ լինում. Չարաշահում է եղել. Արթուր Խաչատրյան

«Առերևույթ չարաշահում է տեղի ունեցել։ Կոռուպցիան հո պոզով-պոչով չի՞ լինում». Այս մասին այսօր՝ դեկտեմբերի 24-ին, ԱԺ ֆինանսավարկային ու տնտեսական հանձնաժողովների համատեղի նիստի ժամանակ ասաց «Հայաստան» խմբակցության պատգամավոր Արթուր Խաչատրյանը։

Նշենք, որ հանձնաժողովի նիստում Հաշվեքննիչ պալատի 3-րդ վարչության պետ Հակոբ Միհրանյանը ներկայացրեց Էկոնոմիկայի նախարարության 2021թ. պետբյուջեի 6 ամիսների կատարման հաշվեքննության արդյունքների վերաբերյալ եզրակացությունը։

Արթուր Խաչատրյանը նշեց, որ հաշվեքննիչ պալատի ներկայացրած եզրակացության մեջ խախտումներն այնքան շատ էին, իսկ զեկուցողին հատկացված ժամանակահատվածը բավարար չէր, որ ներկայացներ բոլոր խախտումները։

«Հրապարակավ հայտարարեք, որ նախարարության կազմակերպած գնման ուշացված գործընթացի պատճառով 326 087 միջոցառում չի իրականացվել։ Այդ չիրականացված միջոցառումներն անասնապահության վրա ի՞նչ ազդեցություն են ունեցել»,-հետաքրքրվեց պատգամավորը։

ԱԺ տնտեսական հանձնաժողովի փոխնախագահ Բաբկեն Թունյանն էլ ասաց, որ հաշվեքննիչ պալատի եզրակացությունում արձանագրված խախտումները կուղարկվեն համապատասխան մարմիններին, բայց կարիք չկա ի սկզբանե մարդկանց ինչ-որ միտումների մեջ մեղադրել։

«Այսպիսի բաներ միշտ եղել են, այսպիսի անհամապատասխանություններ միշտ գտնվել են, որովհետև եթե այդպիսի բաներ չլինեին, հաշվեքննիչ պալատի գործունեության իմաստ չէր լինի։ Եկեք առանց էմոցիաների հանգիստ շարունակենք մեր քննարկումը։ Մենք այստեղ դատարան չենք, որ մեղադրանքների եզրակացություններ ներկայացնենք»,-ասաց Բաբկեն Թունյանը։

Ֆինանսավարկային հանձնաժողովի նախագահ Գևորգ Պապոյանն էլ ասաց, որ իրենք որևէ բան թաքցնելու մտադրություն չունեն, և դա իրենց քաղաքական կամքն է։

«Հաշվեքննիչ պալատի եզրակացություններում մշտապես եղել են շատ ավելի հաստափոր խախտումներ, քան այս պահին են հայտնաբերվել, բայց դրանց մասին նախկինում իշխանությունները, բնականաբար, լռել են։ Ցանկություն չեն ունեցել, որ այդ խախտումները ջրի երես դուրս գան»,-նշեց Գևորգ Պապոյանը։

Այս թեմայով Բա որ դու վարչապետի աթոռին էիր նստում, չգիտեի՞ր, որ զենք պետք է գնես, հո դա բլիթ գնել չի. պատգամավոր (տեսանյութ) Փաշինյանը հանել է հայկական բանակն Արցախից, մի հատ էլ ռուսների վրա մուննաթ է գալիս, թե լավ չես անում. Արթուր Խաչատրյան (տեսանյութ) Անսխալական մարդ չկա. ԱԺ-ում մի երկու սխալ բան էլ ես եմ արել, ուզում եմ «մեղքս խոստովանել» Հեղափոխության առաջնորդը բոլոր սկզբունքներն ու փաստերը խեղաթյուրեց ի օգուտ թուրքերի. Խաչատրյան Փաշինյանը շուրջ 200 հազարից ավելի ձայն է կորցրել, շարունակում է իր պարտությունների շղթան. ընդդիմադիր «Պատերազմը, վարդերն ու ելակը...Երանի զինվորները տուշոնկա ուտեին, բայց հաղթանակած տուն վերադառնային» Սահման քաջաց՝ զէնն իւրեանց Սև լճից իջել են դեպի Ղազի գյոլ. իսկ կապիտուլյանտին հարյուրավոր ոստիկաններ են հսկում. Արթուր Խաչատրյան Կլինի՞ դրան ասեք՝ քիչ խոսի, քանի համաշխարհային պատերազմ չի սկսել. Արթուր Խաչատրյան Կառավարությունը դարձյալ դժվարանում է պարտք վերցնել նույնիսկ բարձր տոկոսներով. գյուղատնտեսության նախկին նախարար