Երևանում թալանել են ոստիկանության գնդապետի Mercedes-ը. տարել են ՀՀ ոստիկանապետի կողմից նրան պարգրատրված ՏՏ ատրճանակն ու պայուսակում եղած գումարը
ОбществоSHAMSHYAN.com-ի տեղեկություններով, օրեր առաջ թալանել են ՀՀ ոստիկանության Արաբկիրի բաժնի նախկին պետ, ոստիկանության գնդապետ Վարազդատ (Վարուժան) Ադամյանին: Ինչպես հայտնում է ֆոտոլրագրող Գագիկ Շամշյանը, վերջինս դեկտեմբերի 22-ին, դիմել է ոստիկանության Շենգավիթի բաժին և հայտնել, որ դեկտեմբերի 21-ին՝ ժամը 20:00-ից մինչև 21:00-ն ընկած ժամանակահատվածում անհայտ անձը կամ անձինք Բագրատունյաց փողոցի 17 հասցեի մոտ կայանված, իրեն պատկանող Mercedes մակնիշի ավտոմեքենայի միջից գողացել են պայուսակը: Կանչով մեկնած ոստիկանության Շենգավիթի բաժնի օպերատիվ խմբին Վ. Ադամյանը հայտնել է, որ պայուսակի մեջ եղել է ՀՀ ոստիկանության նախկին պետերից մեկի կողմից իրեն պարգևատրած ՏՏ տիպի ատրճանակը, թույլտվության վկայականը, անձը հաստատող փաստաթուղթ և գումար: