«Модный приговор» ծրագրի ներկայացուցիչները քաղցկեղով հիվանդ երեխաներին դատարկ տուփեր են նվիրել

Բլոխինի անվան Ռուսական ուռուցքաբանության գիտական կենտրոնի (РОНЦ) կամավոր Վիկտորյա Բիրյուկովան Instagram-ում բողոքել է, որ «Модный приговор» ծրագրի ներկայացուցիչները եկել են կենտրոնի փոքրիկ հիվանդներին «դատարկ» նվերներով շնորհավորելու:

Բիրյուկովայի խոսքով՝ երեխաների համար տոն կազմակերպելն առաջարկել են այն բանից հետո, երբ ինքը մասնակցել է հաղորդմանը: Կամավորները գրեթե ամեն ինչ պատրաստել են իրենց հաշվին, հաղորդման կողմից եկել են արտիստներ եւ Ձմեռ պապը` պարկով։ Երեխաները պատուհաններից նայում էին փողոցում ընթացող միջոցառմանը, հետո Ձմեռ պապը իբր նվերներով չորս պարկ է թողել ու հեռացել։

«Ապշած էի, ավելի ճիշտ՝ շոկի մեջ էի, երբ պարկերում գտանք դատարկ տուփեր՝ առանց նվերների։ Շատ տարբեր արկղերի հավաքածուներ՝ դրված պարկի սկզբունքով՝ մեկը մյուսի վրա։ Եվ վերջ։ Չեմ կարող փոխանցել, թե որքան դառն էր ինձ համար ու որքան էի ամաչում հաղորդման նման արարքի համար... Հիասթափություն մարդկանցից, թյուրիմացություն, թե ինչու եւ ինչպես կարելի էր այդպես վարվել ոչ միայն մանուկների, այլ իրենց փխրուն կյանքի համար պայքարող երեխաների հետ...», - դժգոհել է Բիրյուկովան՝ միջադեպը անվանելով «անմարդկային»:

Ռուսական Առաջին ալիքի արձագանքի մասին դեռ ոչինչ հայտնի չէ։

Այս թեմայով Ընտրեք վիշապներից մեկը և պարզեք՝ ինչ է սպասվում ձեզ 2024-ին Ինչ եղանակ է սպասվում Ամանորի գիշերը Ինչպես շատ չծախսել Ամանորին Ինչպես և որտեղ նշել կանաչ փայտե Վիշապի տարին՝ 2024 թվականը Ամանորին և Սուրբ Ծննդին Մոսկվայում հրավառություն չի լինի Գերմանիայում տղամարդը ռեկորդ է սահմանել իր տանը տեղադրված տոնածառերի քանակով (լուսանկար) Թունաբանն ամանորյա տոներին սննդային թունավորումներից խուսափելու միջոցներ է առաջարկել Ինչպես անել, որպեսզի Ամանորին պահված ցանկությունն իրականանա Երբ է սկսվում Ս. Ծննդյան պահքը 10 անսովոր ամանորյա ծեսեր, որոնք երաշխավորում են զվարճանք և 2023 թվականի լավ սկիզբ