Հունվարի 1-ից որ կազմակերպությունից կարելի է կենսաթոշակը ստանալ անկանխիկ եղանակով

Հունվարի 1-ից ՀՀ բոլոր քաղաքներում կենսաթոշակներն ու կենսաթոշակների վճարման կարգով տրամադրվող նպաստները վճարվում են անկանխիկ։

ՀՀ աշխատանքի և սոցիալական հարցերի նախարարությունից տեղեկացնում են, որ քաղաքաբնակ այն կենսաթոշակառուները, ովքեր մինչև 2021թ․ դեկտեմբերի 30-ը կենսաթոշակը ստացել են կանխիկ եղանակով և չեն դիմել կենսաթոշակի վճարման եղանակը փոխելու համար, ծրագրային մոդուլի կիրառմամբ՝ նրանց համար ինքնաշխատ եղանակով ընտրվել է անկանխիկ եղանակով վճարող կազմակերպություն (Ազգային օպերատոր՝ էլեկտրոնային փողի միջոցով կամ բանկեր)։

Նշվում է, որ ընտրված կազմակերպության մասին քաղաքացին կարող է տեղեկանալ առցանց եղանակով։ Դրա համար անհրաժեշտ է մուտք գործել Միասնական սոցիալական ծառայության կայքէջ և բացված պատուհանում մուտքագրել կենսաթոշակառուի անձնական տվյալները։

Կենսաթոշակառուն ցանկացած ժամանակ կարող է դիմել Միասնական սոցիալական ծառայության ցանկացած տարածքային կենտրոն՝ վճարող կազմակերպությունը, այդ թվում՝  վերը նշված ծրագրային մոդուլի կիրառմամբ ընտրված վճարող կազմակերպությունը, փոխելու համար։

Վճարման անկանխիկ եղանակի նշված կարգը տարածվում է նաև խնամքի նպաստի և կենսաթոշակների վճարման կարգով վճարվող՝ ծերության նպաստի, հաշմանդամության նպաստի, կերակրողին կորցնելու դեպքում նպաստի, պարգևավճարների և պատվովճարների վրա։

1-ին կամ 2-րդ խմբի հաշմանդամություն ունեցող անձինք, 75 տարին լրացած կենսաթոշակառուները, ինչպես նաև 14 տարին լրացած անչափահաս կենսաթոշակառուները և լիազորագրով կենսաթոշակ ստացողները կարող են կենսաթոշակը ստանալ իրենց ընտրությամբ՝ ինչպես կանխիկ, այնպես էլ անկանխիկ եղանակով։

Այս թեմայով Թոշակ չեն ավելացնում, բայց ոստիկանների աշխատավարձը նորից բարձրացնում են. «Փաստ» Մեկնարկել է կենսաթոշակառուներին անկանխիկ եղանակով վճարումներից հետվճար տրամադրելու գործընթացը ԼՂ-ի ԱԱԾ-ում, ոստիկանությունում, փրկարար ծառայությունում աշխատած անձինք ևս կստանան թոշակ. նախարար Եթե անգամ փախստական մնանք, ՀՀ-ում թոշակ ստանալու ենք, մեկը մյուսի հետ կապ չունի. արցախցի Մենք ԼՂ-ի կառավարությանը գումար ենք տվել, իրենք են որոշել, թե որքան թոշակ տան. նախարար Սամբո մարզաձևում բարձր արդյունքներ գրանցած մարզիկներն անվական ամսական թոշակ կստանան. կառավարության որոշումը Չինաստանում այս տարի ռեկորդային թվով մարդիկ կանցնեն թոշակի․ ԶԼՄ ՀՀ-ում գնանկում կա, կենսաթոշակառուները ստանում են նվազագույն պարենային զամբյուղից բարձր թոշակ Փոփոխություններ Հայաստանում, որոնք ուժի մեջ են մտնում 2023 թվականին Արցախի որոշ բնակավայրերում մարդիկ չեն կարողանում թոշակ ստանալ. բանկոմատներում գումար չկա