ՔՊ-ի «անհաջողակաները». ո՞ւմ և ինչի՞ համար չներեց Փաշինյանը

Վերջին շրջանում Նիկոլ Փաշինյանի մի շարք թիմակիցներ կարիերային աճ արձանագրեցին՝ պատգամավորի մանդատը փոխարինելով մարզպետի և նախարարի պորտֆելներով: Սակայն, ՔՊ-ում եղան նաև անհաջողակներ, որոնց Նիկոլ Փաշինյանը ինչ-ինչ բացթողումների համար պարզապես չներեց՝ կամ հեռացնելով զբաղեցրած պաշտոնից, կամ իջեցնելով այդ պաշտոնը:

Դիցուք՝ Շիրակի նախկին մարզպետ Հովհաննես Հարությունյանը, ով հեռացվեց զբաղեցրած պաշտոնից Գյումրիում կայացած ՏԻՄ ընտրություններից անմիջապես հետո, նրան չներվեց ՀՀ մեծությամբ երկրորդ քաղաքում ՔՊ-ի պարտությունը:

Նույն պատճառով, սակայն արդեն Կոտայքում գրանցած պռավալի արդյունքում նախարարի պաշտոնին հրաժեշտ տվեց Ռոմանոս Պետրոսյանը, ով տեղափոխվեց ՊՎԾ՝ դառնալով Փաշինյանի աչքերն այս կառույցում:

ՊՎԾ պետ Տիգրան Ուլիխանյանին Փաշինյանը ևս հեռացրեց այն պատճառով, որ վերջինս բավարար ցուցանիշներ չէր գրանցում նախկին և գործող պաշտոնյաների տակ այսպես ասած՝ կեղտ գտնելու գործում:

Փաշինյանը և ՔՊ-ն բառի բուն իմաստով ստիպեցին պաշտոնից հետանալ Երևանի նախկին քաղաքապետ Հայկ Մարությանին: Նրան չներվեց ՔՊ-ից և ՔՊ-ի քաղաքական գծից հեռանալը և լոյալության կորուստն առ իշխող քաղաքական ուժ:

Պաշտոնից հեռացվեց նաև ԱԻՆ փոխնախարար Կարեն Սարուխանյանը, ով նույնպես ներգրավված էր Շիրակում ընթացող ՔՊ նախընտրական արշավին, սակայն, ձախողեց ինչն էլ վերջինիս չներվեց Փաշինյանի կողմից: Այս պահին Սարուխանյանը դեռևս նոր պաշտոն չի ստացել:

Կադաստրի կոմիտեի նախագահի պաշտոնին չվերադարձավ Վեդիում հանուն ՔՊ-ի պայքար մղող Արարատի նախկին մարզպետ Գարիկ Սարգսյանը: Վերջինս նշանակվել է Վեդի համայնքի ղեկավարի ժՊ, և չի բացառվում, որ եթե գալիք ընտրություններում էլ ՔՊ-ն պարտվի՝ Սարգսյանը ընդհանրապես առանց պաշտոն կմնա:

Նախարարի դիրքից պատգամավորի աթոռին հայտնված Արսեն Թորոսյանը նույնպես ակնհայտորեն գոհ չէ իր նոր աշխատատեղից: Նա չի թողնում նախկին պաշտոնին վերադառնալու ջանքերը, սակայն ապարդյուն: Մամուլը գրել էր, որ Փաշինյանը նրան գործադիրում այլևս չի տեսնում:

Ինչպես տեսնում ենք՝ Նիկոլ Փաշինյանը բավական խիստ է վարվում իր այն թիմակիցների հետ, որոնց հետ ճանապարհ է անցել, ովքեր սակայն ինչ-ինչ պատճառներով այլևս չեն գոհացնում վարչապետին և լիարժեքորեն չեն ծառայում ՔՊ-ին:

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)