Մեկուկես մետրանոց պիթոնը փորձել է խեղդել շանը (լուսանկարներ)
ԼուսանկարներԱվստրալական Քվինսլենդ նահանգի Բրիսբեն քաղաքում պիթոնը փորձել է խեղդել ընտանի շանը։ Այս մասին հայտնում է Newsweek հրատարակությունը։
Միջադեպը տեղի է ունեցել գիշերը։ Շան տերը փողոցից աղմուկ է լսել, որոշել է պարզել, թե ինչ է կատարվում, և տան մոտ հայտնաբերել է մեծ օձ, որը պատրաստվում էր ուտել իր ընտանի կենդանուն։ Նրան հաջողվել է փրկել շանը եւ դիմել օձեր որսալու մասնագետի։
Օձեր որսացող Ջոշուա Քեսլը, ով ժամանել է կանչով, բռնել է պիթոնին, որի երկարությունը գնահատել է մոտ 1,5 մետր, իսկ ավելի ուշ բաց թողել անվտանգ հեռավորության վրա։ Նա չի բացառում, որ շունը կարող էր հարձակվել պիթոնի վրա և ստիպել նրան պաշտպանվել։
«Օձերը հազվադեպ են որսում շներ, նրանք շատ ավելի հետաքրքրված են առնետներով և պարկամկներով: Բայց, ցավոք, երբեմն նրանք այնուամենայնիվ բռնում են շներին և կատուներին, հատկապես, եթե դրանք փոքր չափերի են»,- ասել է Քեսլը:
Ռոմբիկ պիթոնների երկարությունը հասնում է երեք մետրի: Նրանք թունավոր չեն, չնայած նրանց խայթոցը կարող է ցավոտ լինել։ Այս սողունները խեղդում են իրենց զոհին՝ փաթաթվելով դրա շուրջը, այնուհետև կուլ տալիս։ Նրանք սովորաբար սնվում են փոքր կաթնասուններով և մողեսներով։