Քերոբյանը վստահեցրեց՝ թուրքական ապրանքների ներկրման արգելքից հետո բացված ընկերություններին կպաշտպանեն

ՀՀ էկոնոմիկայի նախարարությունը կհետևի և կփորձի ամեն կերպ պաշտպանել թուրքական ծագման ապրանքների ներկրման արգելքի ներդրումից հետո բացված նոր ընկերություններին, որպեսզի դրանց կայացումը չվտանգվի: Այս մասին վստահեցրեց նախարար Վահան Քերոբյանը խորհրդարանում լրագրողների հետ զրույցում՝ անդրադառնալով արգելքի գործողության ժամկետը չերկարաձգելու կառավարության որոշմանը:

«Մենք, որպես տնտեսության համար պատասխանատու մարմին, պետք է ուշի ուշով հետևենք և ամեն կերպ պաշտպանենք այն ընկերություններին, որոնք բացվել են վերջին 1 տարվա ընթացքում՝ ի նկատի ունենալով նաև այդ սահմանափակումների ներդրումը, և այնպես անենք, որ իրենց կայացումը հանկարծ չվտանգվի, և դրանք ստիպված դուրս չմնան շուկայից: Մենք հետևելու ենք և, եթե տեսնենք, որ խնդիրներ կան, և այդ ներդրողների բիզնեսները վտանգված են այն պատճառով, որ իրենց բիզնեսը դեռևս չի կայացել այնքան, որպեսզի կարողանա մրցակցել թուրքական  ընկերությունների հետ, անպայման որոշակի ծրագրեր կներդնենք, որ պաշտպանենք նրանց»,- վստահեցրեց նախարարը:

Քերոբյանն ասաց, որ ինքն անձամբ կողմնակից է եղել արգելքի գործողության ժամկետի երկարաձգմանը, սակայն կառավարությունը, քանի որ կոլեգիալ մարմին է, միասնական այսպիսի որոշում է կայացրել: Ըստ Քերոբյանի՝ նաև արգելքի գործողության ժամկետը երկարաձգելու դեմ շատ տնտեսավարողներ են արտահայտվել:

Նա վստահեցրեց նաև, որ կառավարությունն ամեն ինչ անում է, որ զոհեր չլինեն, հաստատվի երկարատև խաղաղություն՝ Հայաստանի համար ընդունելի պայմաններով, որ հնարավոր լինի մտածել երկարաժամկետ աշխատանքի մասին: «Այսօր ցանկացած ներդրող բավական կարճաժամկետ է մտածում, օրինակ 10 տարվա ծրագրեր շատ քիչ կան, երբ սկսում են անել, որ 10 տարուց արդյունք ունենան»,- ասաց նախարարը:

Ըստ Քերոբյանի՝ խաղաղության մասին խոսելիս պետք է նկատի ունենալ, որ խաղաղությունը շատ մեծ գին ունի: «Եվ այդ խաղաղության բացակայության գինը հայ ժողովուրդը վերջին 30 տարում վճարել է ամեն տարի: Դրա պատճառով է, որ մենք ունենք ահռելի խնդիրներ տարբեր ոլորտներում: Այդ խաղաղության բացակայության պատճառով Հայաստանը հնարավորություն չի ունեցել զարգանալ այնպես, ինչպես մրցակից այլ երկրներ, որտեղ երկարաժամկետ խաղաղություն է եղել: Հետևաբար, այդ մրցակցային  անհավասարությունն ուղղելու նպատակով, որն իսկապես ահռելի գործոն է ներդրողների համար որոշումներ կայացնելիս, հայ ժողովրդի բարեկեցությունը լավացնելու համար անհրաժեշտ պայման է երկարաժամկետ խաղաղության հաստատումը»,- ասաց նախարարը:

Հայաստանի Հանրապետության կառավարությունը 2020 թվականի հոկտեմբերի 20-ի որոշմամբ ժամանակավոր արգելք էր դրել թուրքական ծագում ունեցող վերջնական 

սպառման ապրանքների ներմուծման վրա: Արգելքի գործողության ժամկետը այնուհետև երկարաձգվել էր մինչև 2021 թվականի դեկտեմբերի 31-ը: 

Միջգերատեսչական քննարկումների արդյունքում որոշում է կայացվել չերկարաձգել 

թուրքական ապրանքների ներմուծման էմբարգոն։

Այս թեմայով Ալիևը ասել է՝ կպահանջեն ոչ անկլավային տարածքները, հետո անկլավայինը, հետո ճանապարհ դեպի անկլավներ Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Եկել ենք՝ Նիկոլի ձեռքը բռնենք, հետո էլ ձեռնաշղթաներ հագցնենք. ակցիայի մասնակից Ռուս խաղաղապահների Արցախից հեռանալը նախևառաջ ամրագրում է թուրքական գործոնի էական ուժեղացումը. Աբրահամյան Ցեղասպանության զոհերի անվանացանկի թեման պատմականորեն եղել է թուրքական քաղաքականության ուղեգիծը. Էդգար Էլբակյան Կառավարությունը կաջակցի գյուղատնտեսական ապահովագրություն իրականացնող ընկերություններին Փաշինյանն ա գրել իմ կալանքի որոշումը, չգիտեմ՝ դուրս գալուցս հետո ՀՀ-ից ինչ կմնա. Աշոտյան Երևանի Բաբաջանյան և Իսակով փողոցները՝ անձրևից հետո (տեսանյութ) ՔՊ-ն 12-13 քկմ-ոց թուրքական վիլայեթ է պատկերացնում, որտեղ Փաշինյանը կլինի «սմատրյաշչիյ»