Ավինյանի և Թորոսյանի քաղաքապետական ամբիցիաները. ո՞ւմ կողմը կբռնի Փաշինյանը

Առողջապահության նախկին նախարար Արսեն Թորոսյանն ակնհայտորեն չի հաշտվում խորհրդարանում հայտնվելու մտքի հետ: Վերջինս ցանկանում է ամեն գնով վերադառնալ գործադիր և ստանալ ավելի մեծ իշխանություն ու լծակներ ենթադրող պաշտոն: Նրա հերթական թիրախը Երևանի քաղաքապետի պաշտոնն է: Համենայնդեպս, այդպիսի տպավորություն էր ստեղծվում հետևելով, թե ինչպիսի եռանդով է Թորոսյանը հրապարակավ քննադատում արդեն նախկին քաղաքապետ Հայկ Մարությանին: Թորոսյանը, մասնավորապես, հայտարարել էր, որ Մարությանը խզել է կապն իրեն պաշտոնի բերած քաղաքական ուժի հետ և վերջինիս, ըստ էության, մեղադրել է անշնորհակալ և անպատասխանատու լինելու մեջ:

Մարությանի հեռանալուց հետո Թորոսյանը լծվել է քաղաքապետարանում իր կադրերին աշխատանքի դասավորելով:  Մամուլի տեղեկություններով` Թորոսյանն ամեն գնով ցանկանում է Առողջապահության նախարարության ՊԱԳ ղեկավարին  տեղափոխել Երևանի քաղաքապետարան։ Ըստ ամենայնի՝  Ծաղիկ Վարդանյանը կշանակվի Երևանի քաղաքապետարանի աշխատակազմի առողջապահության վարչության պետ։

Սակայն, իր այս հավակնություններում Թորոսյանը միայնակ չէ: Վերջին շրջանում ակնհայտ է դառնում, որ Թորոսյանից զատ քաղաքապետական ամբիցիաներ ունի նաև նախկին փոխվարչապետ Տիգրան Ավինյանը: Վերջինս ցանկանում է մայրաքաղաքի համակարգումն իր ձեռքը վերցել: Չի բացառվում, որ կառավարությունում մի նոր կառույց ստեղծվի, որը կզբաղվի Երեւան քաղաքի հարցերով եւ կղեկավարվի հենց Ավինյանի կողմից, սակայն նախկին փոխվարչապետը ցանկանում է պաշտոն ստանալ նաեւ հենց քաղաքապետարանում:

Թե Թորոսյանը, թե Ավինյանը քաջ գիտակցում են, որ գործող քաղաքապետ Հրաչյա Սարգսյանը թույլ և ժամանակավոր ֆիգուր է և երկարաժամկետ կտրվածքով Փաշինյանը նրա հետ պլաններ չի կապելու: Այդ իսկ պատճառով այս երկու պաշտոնյայի միջև արդեն իսկ նշմարվում է մրցակցություն՝ Սարգսյանի տեղը զբաղեցնելու համար: Ընդ որում, Ավինյան-Թորոսյան մրցակցությունը նոր չէ: 2019 թվականին մամուլը գրում էր, որ փոխվարչապետ Ավինյանը դեմ էր նախարար Թորոսյանի հակածխախոտային օրենքին, իսկ Թորոսյանը հայտարարում էր, որ այս հարցը կլուծի վարչապետ մակարդակով՝ ստանալով Փաշինյանի աջակցությունը: Հարաբերությունները բավական լարված էին նաև համավարակի թեժ փուլում, երբ պարետն ու նախարարը աչքի էին ընկնում չհամակարգված աշխատանքով:

Նրանց մրցակցությունը, անշուշտ, Փաշինյանի աչքից չի վրիպել, վարչապետը 2020 թվականի ապրիլին ուշագրավ մեսիջ հղեց երկու կողմին էլ: Մի որոշ շրջան պարետատան նիստերին սկսել էր մասնակցել նաև ԱԺ առողջապահության և սոցիալական հարցերի հանձնաժողովի նախագահ Նարեկ Զեյնալյանը, ում հետ Արսեն Թորոսյանի հարաբերությունները բավական լարված են։ Նիստերն էլ սկսել էր վարել ոչ թե պարետ Տիգրան Ավինյանը, այլ Փաշինյանը։ Մի կողմից Փաշինյանն ուզում է հասկացնել, որ դժգոհ է Ավինյանից՝ նա տապալել է կորոնավիրուսի դեմ պայքարը, մյուս կողմից անհանգիստ է, որ պարետի պաշտոնը կարող է ամրապնդել Ավինյանի դիրքերը, և ինքն անձամբ վարելով նիստերն ու թույլ չտալով, որ Ավինյանը միանձնյա ղեկավարի կորոնավիրուսի դեմ պայքարը` թուլացնում է նրան։ Մյուս կողմից էլ փորձ է արվում կոտրել նաև Արսեն Թորոսյանի «առողջապահական» մոնոպոլիան՝ նրա «ոխերիմ» բարեկամ Նարեկ Զեյնալյանին այս գործընթացին ներգրավելով և նրա դերակատարությունը ևս մեծացնելով։

Ինչպես կարձագանքի Թորոսյան-Ավինյան հակամարտության այս փուլին Նիկոլ Փաշինյանը և ո՞ւմ կընտրի նա որպես ՔՊ քաղաքապետի թեկնածու՝ ցույց կտա ժամանակը, սակայն, ակնհայտ է, որ կողմերը չեն պատրաստվում զիջումների գնալ և ներիշխանական նոր բախումը, կարծես թե, անխուսափելի է դառնում:

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)