Վարդենիսի համայնքապետի ընտրությունը անվավեր ճանաչելու հարցով դիմում վարույթ է ընդունվել ապօրինի կերպով. Հարությունյան

Վարդենիսի համայնքապետ ընտրված Ահարոն Խաչատրյանի ներկայացուցիչ Վարազդատ Հարությունյանը հայտարարություն է տարածել՝ դիմելով լրատվամիջոցներին, ՄԻՊ-ին, ԲԴԽ-ին:

Հայտարարությունում ասվում է.

«Ինչպես նախորդիվ հայտնել էինք Վարդենիսի ավագանու քպ-ական ավագանիները ՀՀ վարչական դատարան հայցադիմում են ներկայացրել ավագանու 30․12․2021թ․ նիստի թիվ 1 որոշումը և որպես հետևանք համայնքի ղեկավարի ընտրությունը անվավեր ճանաչելու պահանջի մասին։

11․01․2022թ. հրավիրված ասուլիսին նշել էինք դատարանի կողմից հայցադիմումը վարույթ ընդունելու վերաբերյալ բազմաթիվ «տարօրինակությունների» մասին։

Այժմ ժամանակն է բացահայտել հերթական ապօրինությունը, որը վերաբերվում է «ձեռքով մակագրումների» այդքան քննարկվող թեմային, սակայն այս անգամ հստակ փաստով։

Այսպես, քպ-ական ավագանու անդամների հայցը Վարչական դատարանի դատավոր Մերի Համբարձումյանի կողմից ընդունվել է վարույթ 10․01․2022թ․։ Փաստորեն, խոսքն ընտրական վեճով հատուկ վարույթի մասին չէ, որը քննվում է 5 դատավորի կազմով, այլ՝ հասարակ վարչական ակտի վիճարկման վարույթի, որը քննվում է միանձնյա։

Այսպես, ԲԴԽ 02.08.2018թ․ թիվ ԲԴԽ-23-Ն-1 որոշման հավելված 1-ի համաձայն՝ դատավոր Մերի Գևորգի Համբարձումյանի սպասարկման վարչական սահմանները չեն ընդգրկում ՀՀ Գեղարքունիքի մարզը։ Նշված մարզը սպասարկում է ՀՀ վարչական դատարանի մեկ այլ դատավոր, որին ըստ datalex.am տեղեկատվական համակարգում առկա գործերի ուսումնասիրությունից պարզ է դարձել, որ մակագրվել են վարչական դատարանին ընդդատյա ՀՀ Գեղարքունիքի մարզի բոլոր վարչական վեճերը, այդ թվում՝ օրինակ նույն Վարդենիս համայնքի ավագանու մի որոշման վիճարկման վերաբերյալ։

Ստացվում է, որ Դատարանի նախագահ Հրաչ Այվազյանի կողմից նշված գործը Մերի Համբարձումյանին մակագրվել է վերոնշյալ նորմատիվ իրավական ակտի պահանջի խախտմամբ։ Այսինքն՝ ապօրինի կերպով։

Շարունակելի»:

Այս թեմայով Վլադիմիր Գասպարյանի դստերը շնորհված «փոխգնդապետի» կոչումն անվավեր է ճանաչվել․ Դատախազություն Գլխավոր դատախազությունում քննարկվել է ապօրինի ծագում ունեցող գույքի բռնագանձման ոլորտներում ԱՄՆ-ի հետ փոխօգնության խորացման հարցը Վահագն Հովակիմյանի ընտրությունը ՀՀ ԿԸՀ նախագահի պաշտոնում անհանգստացրել է քաղաքացիական հասարակությանը. զեկույց Հարցաքննված վկաները ցուցմունք են տվել Ջալալ Հարությունյանի դեմ. «Փաստինֆո» 29-ամյա երիտասարդը մասնակցել է թմրամիջոցների ապօրինի իրացմանը և 43մլն դրամի փողերի լվացում կատարել Ոմանք «կայֆ են ստանում» «մեղադրյալ Աշոտյան» ասելիս, նման բան մտքներովդ չանցնի, դիմեք պատշաճ կերպով Հարցաքննվել են 19-ամյա զինծառայողի համածառայակիցները. հրազենային վնասվածքի դեպքով նախաձեռնվել է քրեական վարույթ Աշխատակիցը մեղադրվում է նպաստառուներից ապօրինի վարձատրություն ստանալու մեջ․ Հակակոռուպցիոն կոմիտե Խորհրդային միության ժամանակ գույքը ավտոմատ կերպով համարվել է պետության սեփականությունը Ահազանգ ենք ստացել Գյումրիում ՌԴ քաղաքացի Անատոլի Շչետինին առևանգելու եւ ռազմաբազայում ապօրինի պահելու մասին. ՀՔԱՎ