Այդ սպառնալիքներն ինձ չեն վախեցնում. Ֆրանսիայի նախագահի թեկնածուն դատապարտել է Ալիևի հայտարարությունը

Ֆրանսիայի նախագահի թեկնածու Վալերի Պեկրեսը դատապարտել է Ադրբեջանի նախագահ Իլհամ Ալիևի կողմից Արցախ կատարած այցից հետո իր հասցեին հնչեցրած սպառնալիքները, գրում է Nouvelles d'Arménie-ն։ Նա դատապարտել է «նախագահի թեկնածուի համար այն սպառնալիքի լրջությունը, ով չի կարող ազատ ճանապարհորդել, ուր ուզում է» և «Ֆրանսիայի կառավարության խուլ լռությունը շատ ցնցող» է համարել։

«Այդ սպառնալիքներն ինձ չեն վախեցնում, և ես կցանկանայի, որ Ֆրանսիայի կառավարությունը պաշտոնական պատասխան տա օտարերկրյա պետության ղեկավարի կողմից Ֆրանսիայի նախագահի թեկնածուին ուղղված այս սպառնալիքին», - ասել է Պեկրեսը:

Ավելի վաղ ադրբեջանական լրատվամիջոցներին տված հարցազրույցում Ալիևը հայտնել էր, որ Բաքուն դժգոհություն է հայտնել ռուս խաղաղապահների նկատմամբ՝ կապված Պեկրեսի Արցախ կատարած այցի հետ։ «Մեզ ասացին, որ չեն նկատել, չգիտեն՝ Պեկրեսը սովորական մեքենայո՞վ է եկել, և այլն։ Ես ձեզ կասեմ՝ դժվար է դրան հավատալ: Այս այցելությունը կազմակերպվել էր, քանի որ Պեկրեսը չի կարողացել իր հետ տանել իր ուզած մարդկանց, նրան ուղեկցել են սահմանափակ թվով մարդիկ։ Նրա հետ են եղել Ֆրանսիայի ԱԳՆ նախկին ղեկավարը, եվրահանձնակատար Բարնյեն և մեկ այլ պատգամավոր»,- ասել է Ալիևը։

«Նրանք թաքուն գնացել են այնտեղ, և նրանց այցելության լուրը հայտնի դարձավ նրանց վերադարձից հետո միայն։ Երևի վախենում էին, որ Լաչինի միջանցքում կկալանավորենք։ Եթե ​​իմանայինք, որ նրանք այնտեղ են, հաստատ թույլ չէինք տա, որ վերադառնան»,- ասել է Ալիևը։

Այս թեմայով Ադրբեջանի Իլ-76 ինքնաթիռը թռել է Իսրայելի «Օվդա» ավիաբազա (լուսանկար) Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Ֆրանսիան հետ է կանչել Ադրբեջանում իր դեսպանին Սերբիայի նախագահը զանգահարել է Ալիևին և աջակցություն խնդրել Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը Լեմկինի ինստիտուտն արձագանքել է ՄԱԿ ԱՄԴ-ում Ադրբեջանի հայտարարությանը Հայաստանը և Ադրբեջանը տեխնիկապես շատ մոտ են «Խաղաղության պայմանագրին»․ դեսպան Ֆրանսիան դատապարտել է Իրանի հարձակումն Իսրայելի վրա «Politico»-ի աղմկահարույց բացահայտումը. Բրիտանա-ադրբեջանական համատեղ «օպերացիան»՝ Արցախում Կոռուպցիոն սկանդալ՝ Ադրբեջանում․ Ըմբշամարտի միջազգային ֆեդերացիան ստուգում կանցկացնի