Արամ Խաչատրյանի վերջին շանսը. ՔՊ-ական մարզպետը Վանաձորում վա-բանկ է գնում

Լոռու մարզպետ Արամ Խաչատրյանը, ում Փաշինյանը, կարծես թե, ներեց Վանաձորում իշխանությունը կորցնելու համար, լծվել է իրավիճակը շտկելուն: Մարզպետն, անշուշտ, մտահոգված է ոչ այնքան թիմի, որքան իր իշխանությունը պահպանելով, քանի որ եթե չհաջողվի «Մամիկոն Ասլանյան» դաշինքից խլել իշխանությունն, ապա ակնհայտ է, որ այս անգամ Փաշինյանը Խաչատրյանին չի ներելու և նրան սպասելու է մյուս ազատված մարզպետների ճակատագիրը:

Նման սցենարից խուսափելու համար Լոռու մարզպետը գործի է դրել ողջ զինանոցը: Չի բացառվում, որ ՔՊ-ն համաձայնի ընդդիմադիր խմբակցությունների՝ մանդատները վայր դնելու ու նոր ընտրությունների գնալու առաջարկին։

Ըստ մամուլի՝ այդ սցենարը իշխանությանը ձեռնտու է այնքանով, որ մանդատները դնելուց հետո ՔՊ-ականներն ամենատարբեր պատրվակներով ու օրենսդրական մտացածին դրույթներով կարող են ձգձգել նոր ընտրությունների կազմակերպումը, ու գործադիրը քաղաքապետի պարտականությունները կատարողի կնշանակի: Իշխանություններին, փաստորեն, ձեռնտու է անգամ ԺՊ-ի տարբերակը, միայն թե հանրապետության երրորդ քաղաքի կառավարումը ձեռքներից չգցեն։

Դրան զուգահեռ չեն դադարում ճնշումներն ընդդիմադիր դաշինքի ներկայացուցիչների դեմ: Դաշինքի ղեկավար Մամիկոն Ասլանյանը կալանավորված է, և դրանով փորձ է արվում քաղաքը պահել առանց քաղաքապետ` ստեղծելով կառավարման ճգնաժամ:  քաղաքապետարանի ևս երկու աշխատակիցների բերման էին ենթարկել և թվում էր, որ Ասլանյանի ընտրվելն այլևս անհնար է: Բանն այն է, որ «Մամիկոն Ասլանյան» դաշինքը  Վանաձորում ստացել է 49 տոկոս ձայն եւ բանակցություններ էին ընթանում «Հայրենիք» կուսակցության հետ, որը մոտ 5 տոկոս ձայն էր ստացել: Այս ընթացքում անասելի ճնշումներ են գործադրվել եւ՛ «Հայրենիք» կուսակցության նախագահ Արթուր Վանեցյանի, եւ՛ նրանց Վանաձորի թեկնածուի` Վահե Դոխոյանի նկատմամբ, որ այս միավորումը տեղի չունենա: Բայց չի ստացվել: Փոխարենը` ամեն ինչ արել են, որպեսզի ավագանի անցած մյուս ուժերը` Արկադի Փելեշյանը` Ական, եւ «Լուսավոր Հայաստան»-ը միանան ՔՊ-ին, եւ Արամ Խաչատրյանը դառնա քաղաքապետ: Թվում էր` Մամիկոն Ասլանյանի հետ աշխատած Ական, որը հեղինակություն է Վանաձորում, չպետք է ենթարկվեր ճնշումներին, իսկ Էդմոն Մարուքյանի «Լուսավոր Հայաստանը» պետք է ձեռնպահ մնար ՔՊ-ի հետ միավորվելուց, քանի որ իրեն ընդդիմություն է հռչակել, սակայն, պարզվում է` ոչ:  «Լուսավոր Հայաստանը» դիմել էր դատարան` ժամանակ շահել, որպեսզի իշխանությունն Ասլանյանին հետապնդելու ձեւական պրոցեդուրան հասցնի իրականացնել և կորզել համայնքապետի աթոռը:

Ակնհայտ է, որ Արամ Խաչատրյանն օգտագործում է Փաշինյանի աչքերում ռեաբիլիտացվելու թերևս վերջին հնարավորությունը, հակառակ դեպքում` ավելի քան հավանական է, որ Լոռու մարզն` ի թիվս մի շարք այլ մարզերի, նոր մարզպետ ունենա:

Այս թեմայով Արամ Ա-ն արձագանքել է Էրդողանին Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Արամ Սարգսյա՜ն, Վազգենն է ազատագրել Ոսկեպարի տարածքները, օկուպա՞նտ էր, որ հիմա Նիկոլ ես պաշտպանում Պատերազմին կա՛ այլընտրանք, երկիրը կոլապսի մեջ է, ԱԺ-ում պետք է շատ արագ սկսվի անվստահության գործընթաց, Նիկոլին պետք է վռնդել. Արամ Օրբելյան Դիզայներ Արամ Նիկոլյանը Տավուշում է. միացել է հայրենիքի պաշտպանությանը (տեսանյութ) Պետք է Հայաստանը հզորանա, պաշտպանվի Արցախի մեր ժողովրդի վերադարձի իրավունքը․ Արամ Ա «Հրապարակ». Արամ Սարգսյանի մտերիմին 1 բուլդոզերի համար 700 հազար դոլար են տվել Արամ Վարդևանյանը միացել է Սամվել Վարդանյանի փաստաբանական խմբին Արամ Հովհաննիսյանը պարգևներ է հանձնել Ոստիկանության մի խումբ ծառայողների Քաղաքաշինության կոմիտեի գլխավոր քարտուղար Արամ Մկրտչյանն ազատվել է պաշտոնից