«Վաղարշակ Հարությունյանն ո՞ւմ շահերից ելնելով է հուշագիրը ստորագրել, հաստատ շուռնուխցու շահերից չէր». Աննա Գրիգորյան

«Մենք ապրում ենք մի իրականությունում, երբ հայ-թուրքական հարաբերությունների կարգավորման գործընթացի վերաբերյալ տեղեկատվութուն ստանում ենք Թուրքիայից». Այս մասին այսօր՝ հունվարի 18-ին, ԱԺ-ում ասաց «Հայաստան» խմբակցության պատգամավոր Աննա Գրիգորյանը:

Պատգամավորի խոսքով՝ «էրդողանական» Թուրքիան այն Թուրքիան չէ, որի հետ կարելի է առանց նախապայմանների գնալ բանակցությունների կամ գոնե մի փոքր օգուտով դուրս գալ այդ գործընթացիցի:

Աննա Գրիգորյանը նաև շեշտեց, որ հայ-թուրքական հարաբերությունների կարգավորման գործընթացն ուղղակիորեն կապված է հայ-ադրբեջանական հարաբերությունների հետ.

«Թուրքիան բացահայտ ասում է, որ սինքրոնիզացնելու են այդ գործընթացն Ադրբեջանի հետ, մեզ ասում է՝ եթե ուզում ենք հարաբերություններ կարգավորել իրենց հետ, ադրբեջանական կողմի հետ պետք է հարաբերությունները կարգավորենք, իսկ Ադրբեջանը չի թաքցնում ՝ ի՞նչ ակնկալիքներ ունի Հայաստանից՝ միջանցքի և տարածքային այլ նկրտումների տեսքով»,-ասաց ընդդիմադիր պատգամավորը:

Աննա Գրիգորյան նաև արձագանքեց իշխանական պատգամավորների հարցադրումներին՝ արդյո՞ք ընդդիմության գործողությունները բխում են Հայաստանի շահերից.

«Եթե հանդիպեք Վաղարշակ Հարությունյանին, նրան հարցրեք՝ երբ ստորագրում էր Գորիս-Կապան ավտոճանապարհի 21 կմ-անոց հատվածն Ադրբեջանին հանձնելու հուշագիրը, ո՞ւմ շահերից ելնելով էր ստորագրում: Հաստատ Շուռնուխի կամ Դաբիթ Բեկի բնակիչների շահերից չէր ելնում դա: Հիմա խնդրում եմ ինձ բացատրեք՝ ձեր իշխանության ներկայացուցիչ Վաղարշակ Հարությունյանի ստորագրած հուշագիրը ո՞ր երկրի շահերից էր բխում: Նիկոլ Փաշինյանը, մեկին մեկ կրկնելով ադրբեջանական թեզերը, ո՞ր երկրի շահերն է սպասարկում»,-ասաց Աննա Գրիգորյանը:

Այս թեմայով «Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին «Աննա Հակոբյանի կազմակերպած ընթրիքին մասնակցողներից մեկը «չայխանայի» վայր է ժամանել 300QQ03 համարանիշով մեքենայով» (լուսանկար) Սամվել Ալեքսանյանի կինը, դուստրը, այլ կին գործարարներ «տժժում» են Աննա Հակոբյանի կազմակերպած փարթիին Ինչպես է անցել և ովքեր են ներկա եղել Աննա Հակոբյանի կազմակերպած 1 միլիոն դրամանոց ընթրիքին (տեսանյութ) Անչափելի է այն զգացողությունը, որն ունենում է այն մարդը, որը տալիս է այդ 1 միլիոն գումարը․ Հակոբյան (տեսանյութ) Սամվել Ալեքսանյանի կինը տեսանյութ է հրապարակել Աննա Հակոբյանի հրավիրած ընթրիքից, որին մասնակցության վճարը 1 մլն դրամ էր Աշոտ Փաշինյանը վիրտուալ հայրենիքում չէր ծառայում, այլ՝ իրական հայրենիքում. Աննա Գրիգորյան Մեր մանդատ դնելով ոչ Նիկոլն է հրաժարական տալու, ոչ էլ կառավարություն է ցրվելու. Աննա Մկրտչյան (տեսանյութ) Աննա Հակոբյանը ներկա է գտնվել ԱԺ-ի և Կոմիտասի անվան քառյակի կազմակերպած տոնական համերգին Աննա Վարդապետյանը «Արի գյուղ, գյուղում կյանք կա» նախաձեռնության շրջանակում հանդիպել է Արարատի մարզի երեք բնակավայրերի աշակերտներին