Փաշինյանի թիմակիցները կասկածի տակ են դնում վերջինիս տնտեսական հեղափոխությունը

Նիկոլ Փաշինյանի տնտեսական բլոկի ղեկավարները սկսել են կասկածի տակ դնել վերջինիս տնեսական հաջողությունները: Այսօր ԱԺ-ում ԿԲ նախագահի թեկնածու Հովհաննես Խաչատրյանը հայտարարեց, որ համավարակի և պատերազմի պատճառով Հայաստանի տնտեսությունը հսկայական հարված է ստացել, ըստ էության նա բացահայտեց Փաշինյանի սուտը, ով մշտապես հայտարարել է, թե համավարակը մեզ նոր հնարավորություններ է տվել, իսկ պատերազմից դուրս ենք եկել կուռ տնտեսությամբ:

Փաշինյանին հակասում էր նաև ԿԲ նախագահ Մարտին Գալստյանը, ով, ըստ էության, հայտարարում էր, որ Փաշինյանի կողմից կառավարության ծրագրում նախանշած երկնիշ տնտեսական աճի առաստաղը՝ 5 տոկոսն է: Մինչդեռ Փաշինյանը հայտարարում էր, որ այն աստիճան կուռ ենք համավարակից և պատերազմից հետո, որ երկնիշ աճ ենք արձանագրելու:

ՊԵԿ նախագահ Ռուստամ Բադասյանը` հեճուկս Փաշինյանի, հայտարարում է, որ տնտեսակն ոլորտում կոռուպցիան վերջին տարիներին ավելացել է, այն չի վերացել: Այստեղ նույնպես հարց է առաջանում` իսկ այդ ինչպե՞ս է Փաշինյանի ծաղկեցրել տնտեսությունը, որ կոռուպցիան այս ոլորտից անպակաս է:

Համավարակի պիկում էկոնոմիկայի նախարարի պաշտոնը զբաղեցնող Տիգրան Խաչատրյանը, ով այսօր վերադարձել է գործադիր՝ ֆիննախի պաշտոնում նույնպես վեր էր հանել Փաշինյանի փաստացի հայտարարությունների և իրականության մի շարք անհամապատասխանություններ: Եթե Փաշինյանը հայտարարում էր, որ համավարակի արդյունքում չկան այնպիսի ոլորտներ որոնք գրեթե ոչնչացվել են, ապա Տիգրան Խաչատրյանը բառացի նշել էր այդպիսի ոլորտներ, թե զբոսաշրջությունը, թե պղնձի արդյունահանումը: Խաչատրյանը ի դեպ գործադիրի եզակի անդամներից է ով մշտապես էլ աչքի է ընկնում իրականությունը պոպուլիզմից նախընտրելով և միայն իրական փաստեր հանրությանը ներկայացնելով:

Ինչպես տեսնում ենք՝ Նիկոլ Փաշինյանի տնտեսական հեղափոխությունը կասկածի տակ են առնում անգամ յուրայինները, իսկ սա արդեն լուրջ մտածելու տեղիք է տալիս...

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)