Իրանական բեռնատարները հիմնականում անցնում են Սյունիքի այլընտրանքային ճանապարհով․ Բադասյան

Պետեկամուտների կոմիտեի նախագահ Ռուստամ Բադասյանը ներկայացրեց, թե ինչ գործառույթներ են իրականացնում Ադրբեջանի վերահսկողության տակ անցած ճանապարհահատվածում տեղադրված հայկական մաքսակետերը, ինչպես նաև խոսեց այլընտրանքային ճանապարհի արդյունավետության մասին։

Ազգային ժողովում լրագրողների հետ ճեպազրույցում Բադասյանն ասաց՝ քանի որ Գորիս-Կապան ճանապարհի՝ Ադրբեջանի վերահսկողության տակ անցած հատվածով տեսականորեն կարող են երթևեկել բեռնատար մեքենաներ Իրանից, այնտեղ որոշակի գործառույթներ են իրականացնում հայ մաքսավորները:

«Քանի որ հայկական մեքենաներ այդ հատվածով չեն  անցել ընդհանրապես, այդ մասով գործառույթներ չի իրականացվում։ Եթե տեսական հնարավորություն կա, որ մեքենաներ կանցնեն այդ ճանապարհով, պետք է իրականացվի մաքսային վերահսկողություն»,- ասաց Բադասյանը։

ՊԵԿ նախագահը նշեց, որ  իրանական բեռնատարները հիմնականում անցնում են Սյունիքի այլընտրանքային ճանապարհով։ Նրա խոսքով՝ վարորդների համար որոշակի անհարմարություններ կան, և դա քննարկվել Իրանի գործընկերների հետ։ Բադասյանը ընդգծեց՝ այլընտրանքային ճանապարհը ունի ճիշտ այն խնդիրները, որոնք կան Գորիս-Կապան ճանապարհին:

«Իմ գնահատմամբ բեռնատարները անցնում են, ընդ որում՝ ամենամեծ ծավալ ունեցող բեռնատարները։ Կարծում եմ, որ եթե հետևեք Տարածքային կառավարական և ենթակառուցվածքների նախարարությանը, նաև խոսվում է նոր ճանապարհի մասին, որի պատրաստ լինելու դեպքում առկա ոլորանները նույնպես կշրջանցվեն Լծեն գյուղի մոտ»,- ասաց Բադասյանը։

Այս թեմայով Երբ 3-րդ կորպուսի հրամանատարը Գրիգորի Խաչատուրովն էր, ոչ մեկի մտքով չէր անցնում՝ սենց բան կլինի. Բագրատ Սրբազան (տեսանյութ) Տավուշցինեը լուսացրել են դրսում. փակ ճանապարհով միայն շտապօգնության մեքենա է անցել Տավուշի իրավիճակով պայմանավորված՝ փոխել են դեպի Թբիլիսի երթուղին․ անցնում են Վանաձորով և Ալավերդիով Մաքսանենգ ճանապարհով Մարտիրոս Սարյանի գործեր են դուրս բերվել երկրից Վայոց ձորում իրանական համարանիշերով բեռնատարը կողաշրջվել է «Հրապարակ». ՔՊ-ականները հիշել են Սյունիքի տեղը Իրանական անօդաչու թռչող սարքը խճճվել է իրաքյան էլեկտրական լարերի մեջ (տեսանյութ) Սյունիքի մարզում ժայռային հատվածներով անցնող ճանապարհներին քարաթափումներ են լինում Պապոյանը Իրանի դեսպանի հետ քննարկել է ՀՀ-ում իրանական ապրանքների առևտրի կենտրոնի բացման հարցը Կրակոցներ՝ Երևանում. «ռազբորկայի» մասնակիցների թիվն անցնում է 20-ից. կրակել են «Կալաշնիկովից», «Մակարովից». կա վիրավոր