Հրթիռները պիտանելիության հետ կապված խնդիր չեն ունեցել. փաստեր կան․ Պատրոն Դավիթի պաշտպան

Նախկին պաշտպանության նախարար Դավիթ Տոնոյանի փաստաբան Սերգեյ Հովհաննիսյանը զավեշտալի է համարում գլխավոր դատախազության կեցվածքը «անորակ հրթիռների» գործով։

Փաստաբանը նկատեց, որ ավելի վաղ գլխավոր դատախազի տեղակալ Գևորգ Բաղդասարյանը չէր բացառել 4232 հրթիռների մի մասի որակյալ լինելը. «Նման հայտարարությունը զավեշտալի է, քանի որ մեղադրանքը կառուցվում է այդ հրթիռների անորակ լինելու վրա, և բացի այդ, պաշտպանական կողմը նախաքննության ընթացքում պահանջում էր փորձաքննություն հենց որակյալ լինելու փաստը ապացուցելու համար», - ընդգծեց նա։

Հովհաննիսյանը նաև հավելեց, որ գործում առկա են հստակ փաստական տվյալներ, դրանք կիրառողների ցուցմունքներ, որ այդ հրթիռները կիրառվել են ինչպես զորավարժությունների, այնպես էլ 44-ամյա պատերազմի ժամանակ ու պիտանի են եղել․ «Տպավորություն կա, թե ուզում են գործը ցանկացած գնով հասցնել դատարան, հասնել դռնփակ նիստի, հանրության աչքից հեռու հասնել անձի անազատության»,- նշեց նա։

Զենքի մատակարարմամբ զբաղվող Դավիթ Գալստյանի փաստաբան Արմեն Հարությունյանը նշեց, որ քննական մարմինը հրաժարվեց անցկացնել հրթիռների փորձաքննությունը, քանզի մեղադրանքը կարող է փլվել։ Այս համատեքստում նա նշեց, որ Գալստյանը ցուցմունք է տվել ու մասնակցել առերեսումների։

Հարցին, թե ինչու մերժվեց իրենց միջնորդությունը փորձարկել այդ «անպիտան հրթիռները», պաշտպանը պատասխանեց. «Կարող ենք հասկանալ՝ ինչու մերժվեց: Մի բանում վստահ ենք, որ այս գործի անկյունաքարային հարցը պետք է պարզվեր սահմանված կարգով նշանակված մասնագետների փորձաքննության արդյունքում, ինչը չի կատարվել:  Եթե խոսում ենք որակի մասին, պետք է լինեն մասնագետների կարծիք, որ այդ հրթիռները անորակ են, անպիտան են: Մինչդեռ գործի թե սկզբում, թե վերջին բազմաթիվ փաստեր կան, որ այդ հրթիռները պիտանելիության հետ կապված խնդիրներ չեն ունեցել: ՊՆ-ից մեր հարցումներին պատասխան ենք ստացել, որտեղ ՊՆ-ն եւս հաստատեց, որ որակի հետ կապված որեւէ խնդիր չկա։ Գալստյանը տարբեր դատավարական գործողությունների է մասնակցել` ցուցմունք է տվել, առերեսումների մասնակցել և՛ մեղադրյալների, և՛ վկաների հետ։ Նրանց ցուցմունքներում էական հակասություններ չկային», - նշեց նա։

Նշենք, որ Երևանի ընդհանուր իրավասության դատարանը դռնփակ նիստում քննում է «անորակ հրթիռների» գործը, որով որպես մեղադրյալ անցնում են Դավիթ Տոնոյանն ու գործարար Դավիթ Գալստյանը։

Հիշեցնենք, որ պաշտպանության նախկին նախարարը կալանավորվել էր սեպտեմբերի 30-ին ոչ պիտանի ավիացիոն հրթիռների գնման քրեական գործի շրջանակում։ Նախաքննությունը Տոնոյանին և Գալստյանին մեղադրում է 4,6 մլն դոլար յուրացնելու մեջ։ Նրանք իրենց մեղքը չեն ընդունում։

Այս թեմայով Ապրիլի 9-ին Երևանում կկայանա հայ-ղազախական գործարար համաժողով Վահագն Խաչատուրյանին իր հավատարմագրերն է հանձնել Հայաստանում Գվինեայի դեսպանը «Պաշտպան հայրենյաց» ծրագրի շահառուների ծառայությունը (տեսանյութ) Արա Աբրահամյանը հանդիպել է գործարար շրջանակների ներկայացուցիչների հետ Մեղադրանքի հիմքում այն է, որ Ասատուրովը մյուսների հետ թևանցուկ մոտեցել է ոստիկանության աշխատակիցներին․ պաշտպան Արցախի պետական գերատեսչությունների մեքենաները Հայաստանի ՊՆ-ն առգրավել է. պաշտպան Ադրբեջանը հիմա փորձում է դիրքավորվել որպես իսլամական արժեքների պաշտպան, բայց իրականությունն այլ է «Նոա»-ն բրազիլացի նոր պաշտպան ունի «Պաշտպան հայրենյաց» ծրագրի մասնակիցների ատեստավորման քննությունների մեկնարկը տրված է Վահան Քերոբյանը հայ և գերմանական գործարար շրջանակներին է ներկայացրել «Խաղաղության խաչմերուկ» նախագիծը