Հարավային Կովկասում ԵՄ հատուկ ներկայացուցիչը հանդիպել է Ալիևի հետ

Ադրբեջանի նախագահ Իլհամ Ալիեւն ընդունել է Ֆրանսիայի նախագահի կաբինետի մայրցամաքային Եվրոպայի եւ Թուրքիայի հարցերով խորհրդական Իզաբել Դյումոնին եւ Հարավային Կովկասում Եվրամիության հատուկ ներկայացուցիչ Տոյվո Կլաարին, հայտնում է Trend.az-ը։

«Նախագահ Իլհամ Ալիեւը շնորհավորական ուղերձ է հղել Ֆրանսիայի՝ Եվրամիությունում նախագահությունը ստանձնելու կապակցությամբ։ Նա հույս է հայտնել, որ Եվրամիությունում Ֆրանսիայի նախագահությունը հաջող եւ արդյունավետ կլինի։ Երկրի ղեկավարը գոհունակությամբ է հիշել անցյալ տարվա դեկտեմբերի 15-ին Բրյուսելում Եվրամիության խորհրդի նախագահ Շառլ Միշելի եւ Ֆրանսիայի նախագահ Էմանուել Մակրոնի հետ ունեցած հանդիպումները։

Ֆրանսիայի նախագահի կաբինետի մայրցամաքային Եվրոպայի եւ Թուրքիայի հարցերով խորհրդական Իզաբել Դյումոնը շնորհակալություն է հայտնել Իլհամ Ալիեւին՝ հունվարի 20-ին ադրբեջանական ժողովրդի վշտի օրը պատվիրակությանը ընդունելու համար։ Նա նշել է, որ այս այցը կատարում է Ֆրանսիայի ներկայացուցիչների հետ միասին՝ որպես Եվրամիության նախագահ։ Դյումոնն ընդգծել է, որ այցի նպատակը, որպես դեկտեմբերի 15-ին Բրյուսելում կայացած դրական հանդիպումների շարունակություն, քննարկումների անցկացումն է։

Հարավային Կովկասում Եվրամիության հատուկ ներկայացուցիչ Տոյվո Կլաարն ընդգծել է Եվրոպական միության Արեւելյան գործընկերության VI գագաթաժողովի շրջանակներում Բրյուսելում կայացած հանդիպումների կարեւորությունը, նշել է տարածաշրջան կատարած այցի մեծ նշանակությունը՝ կարեւոր հարցերի քննարկման տեսանկյունից։

Հանդիպմանը մտքերի փոխանակություն է տեղի ունեցել՝ տարածաշրջանում ամուր խաղաղության եւ կայունության ապահովման, ինչպես նաեւ փոխադարձ հետաքրքրություն ներկայացնող այլ հարցերի շուրջ»,- ասվում է հաղորդագրության մեջ։

Այս թեմայով Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև Հայաստանը պետք է փոխի Սահմանադրությունը, Արարատով զինանշանը. Ալիև Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև Ադրբեջանի և Հայաստանի միջև սահմանի 10-12 կիլոմետրը կարելի է սահմանազատված համարել. Ալիև Ալիևը նորից «Զանգեզուրի միջանցք» է պահանջել Ադրբեջանը չի կարող ձեռքերը ծալած սպասել, մինչ Ֆրանսիան, Հնդկաստանը և Հունաստանը զինում են Հայաստանին․ Ալիև Հայկական կողմը համաձայնել է ԼՂ-ի մասին դրույթ խաղաղության համաձայնագրում չներառել․ Ալիև Բաքուն համաձայնել Է Հայաստանի և Ադրբեջանի ԱԳ նախարարների հանդիպմանը. Ալիև Շատ բան է կախված մեր երկրների փոխգործակցությունից․ Ալիևը՝ Պուտինին ԱՄՆ մի խումբ կոնգրեսականներ Ալիևի վարչակազմի դեմ պատժամիջոցների օրինագիծ են ներկայացնում