Պարզաբանում՝ Արթուր Դավթյանի՝ ՌԴ քաղաքացիություն ստանալու թեմայի մասով

Գլխավոր դատախազի խորհրդական Գոռ Աբրահամյանը ֆեյսբուքյան էջում պարզաբանում է տարածել Արթուր Դավթյանի՝ ՌԴ քաղաքացիություն ստանալու թեմայի առնչությամբ։

«Դեռ 2021 թ. նոյմեբերին «armlur.am» կայքը մի ստահոդ, իր ցանկալին իրականության տեղ հրամցնող նյութ էր հրապարակել այն մասին, թե իբր ՀՀ գլխավոր դատախազ Արթուր Դավթյանը դիմել է ՌԴ՝ քաղաքացիություն ստանալու համար:

Նկատի ունենալով այս ապատեղեկատվության արագ տարածման հանգամանքը՝ դեռ այն ժամանակ ստիպված եղանք հրապարակավ հերքել այն:

Բայց ինչպես երևում է, «armlur.am»-ում կամ հիշողության հետ կապված խնդիր ունեն, կամ տեսողության, կամ էլ փորձում են պղտոր ջրում ձուկ որսալ ոմանց համար:

Որովհետև այսօր կայքը հերթական ապատեղեկատվությունն է տարածել՝ ոչ միայն կրկնելով արդեն պաշտոնապես հերքվածը, այլև էլ ավելի զոռ տալով բորբոքված երևակայությանը: Մասնավորապես, ինչպես ընդունված է այս «լրատվամիջոցի» պարագայում, կրկին առանց որևէ աղբյուրի մատնանշմամբ, բամբասանքի ժանրի կանոններին համապատասխան, հիմա էլ շրջանառության մեջ են դրել մի նոր անհեթեթություն առ այն, թե ՀՀ գլխավոր դատախազն, իբր, ինչ-որ զրույց է ունեցել ՀՀ վարչապետի հետ և նրան առաջարկել իրեն նշանակել Երևանի պետական համալսարանի իրավաբանական ֆակուլտետի դեկան:

Հուսալով, որ այլևս նման բամբասանքով հանրությանը չեն կերակրի, մի քանի հստակ արձանագրում կատարեմ:

1. ՀՀ գլխավոր դատախազ Արթուր Դավթյանը բնականոն շարունակում է իր գործունեությունը, և այս պահին չկա դա անհնարին դարձնող որևէ հանգամանք:

2. Դեկան նշանակվելու կամ նմանատիպ որևէ զրույց ՀՀ գլխավոր դատախազը որևէ մեկի հետ չի ունեցել. գրված բամբասանքին նման մտավարժանքներով արժանահավատություն հաղորդելու փորձերը պրիմիտիվ են:

3. Ինչ վերաբերում է ՌԴ-ին քաղաքացիության հարցով դիմելուն, ապա արդեն հերքվածը կրկին հերքելու կարիք, թերևս, չկա:

Պարզապես չպետք է լուրջ վերաբերվել այդ կայքի հրապարակումներին ու վերջ»,-գրել է նա:

Այս թեմայով «Ժողովուրդ». ՀՀ նախկին գլխավոր դատախազն Արցախի իշխանություններին առաջարկ է արել «Ժողովուրդ». Արթուր Դավթյանն անգործ է մնացել «Իրավունք». Ինչ է կատարվում դատախազությունում «Ժողովուրդ». Արթուր Դավթյանին փոխարինող են փնտրում Հայաստանում կոռուպցիայի դեմ պայքարը կրում է ստրատեգիական բնույթ․ Արթուր Դավթյան «Ժողովուրդ». Հարցում՝ քաղաքացիության մասին Արթուր Դավթյանին Արցախի դեմ սանձազերծված պատերազմի առնչությամբ քրգործերով հետապնդվում է շուրջ 4 տասնյակ անձ. գլխավոր դատախազ Սիմոն Մարտիրոսյանը և Արթուր Դավթյանը Տոկիոյից վերադարձել են հայրենիք «Ժողովուրդ». Ով կզբաղեցնի զինդատախազի պաշտոնը, և ինչ է սպասվում Արթուր Դավթյանին Արթուր Դավթյանը Սանկտ Պետերբուգում մասնակցում է գլխավոր դատախազների միջազգային համաժողովին