Մահացել է ֆրանսիացի աշխարհահռչակ մոդելավորող Թիերի Մուգլերը (լուսանկարներ)
73 տարեկան հասակում մահացել է ֆրանսիացի մոդելավորող, լուսանկարիչ և Mugler նորաձևության տան հիմնադիր Թիերի Մուգլերը։ Այս մասին հաղորդվում է դիզայների Facebook սոցիալական ցանցի էջում։
«Ցավով հայտնում ենք 2022 թվականի հունվարի 23-ին պարոն Մանֆրեդ Թիերի Մուգլերի մահվան մասին»,- ասվում է գրառման մեջ։
1973 թվականին ականավոր մոդելավորողը ստեղծեց կանացի հագուստի իր առաջին հավաքածուն։ Այն համատեղում էր դասական ու ժամանակակից միտումները։
Համաշխարհային համբավ Մուգլերը ձեռք բերեց 1980-ականներին։ 1992 թվականին նա հիմնեց օծանելիքի իր բրենդը։ 2002 թվականին դիզայները թողեց իր նորաձևության տան տնօրենի պաշտոնը, բայց շարունակեց հագուստ կարել ու ցուցադրություններ կազմակերպել։
2019-ին Մուգլերը համաձայնեց զգեստ կարել Քիմ Քարդաշյանի համար։ Թիերի Մուգլերը հատուկ նրա համար երկու զգեստ ստեղծեց։ Քիմ Քարդաշյանի հայտնի «թաց զգեստը» Մուգլերի աշխատանքն է։