«Հրապարակ». Երեւանի ընտրություններին են սկսել պատրաստվել

«Հրապարակ» թերթը գրում է. «Երևանի քաղաքապետի պաշտոնից Հայկ Մարությանին հեռացնելուց հետո այդ պաշտոնի գլխավոր հավակնորդ, նախկին փոխվարչապետ Տիգրան Ավինյանի առջեւ կանաչ լույս են վառել՝ կադրային քաղաքականությամբ եւ այլ քայլերով նախապատրաստվելու Երեւանի ավագանու ընտրություններին, որոնք, դեռ պարզ չէ՝ կլինեն հերթակա՞ն, թե՞ արտահերթ։

Իշխանությունը հասկանում է, որ Երեւանում հաղթելու համար շատ ջանքեր կպահանջվեն, ուստի պետք է այսօրվանից սկսել պատրաստվել դրան։ Ավինյանին, ըստ այդմ, քարտ բլանշ են տվել՝ նշանակումներ անել, ոմանց աջակցել, ոմանց ընդառաջել եւ պայմանավորվածություններ ձեռք բերել, որ ընտրությունների ժամանակ ձայներ բերեն ՔՊ-ին։ Սակայն պարզվել է, որ առաջին հայացքից մեղմ ու կառավարելի Հրաչյա Սարգսյանը, որին քաղաքապետ դարձրին՝ Մարությանից ազատվելու համար, այդքան էլ հեշտ չի տեղավորվում այս ծրագրի շրջանակներում։ Նա սկսել է հակադրվել Ավինյանին, բոյկոտել նրա ուղարկած կադրերին եւ որոշ հարցերում ընդդիմանալ։

ՔՊ-ական շրջանակներում կա նաեւ կարծիք, որ սա կարող է հենց Նիկոլ Փաշինյանի մարտավարությունը լինել՝ մի կողմից Ավինյանին հրահանգել քայլեր անել եւ վերահսկել Երեւանը, մյուս կողմից՝ Հրաչյա Սարգսյանին ներշնչել, որ ինքն է միակ որոշողը։

«Բաժանիր, որ տիրես» սկզբունքն աշխատող սկզբունք է։ Մեզ պատմեցին, որ Սարգսյանը Ավինյանի ներկայացրած կադրերից մի քանիսին մերժել է՝ նշելով, որ թեկնածուները չեն համապատասխանում պաշտոնի պահանջներին»:

Այս թեմայով Տիգրան Ավինյանի «ռեյդը» երևանցիների դեմ Ավինյանի որոշմամբ՝ Շենգավիթում 22 ավտոտնակ կքանդվի Ավինյանը հերթական խայտառակ որոշման նախագիծն է բերում առաջիկա նիստի օրակարգ. ավագանու անդամ «Է դուք էլ յոլա գնացեք». Ավինյանի թիմակիցը ծաղրում է երևանցիներին Այն ծառերը, որոնք փոխարինվում են, իսկապես կորցրել են ֆունկցիոնալությունը. Ավինյան Ավինյանն ու թիմակիցները շարունակում են մոլորեցնել երևանցիներին «Լավ էլի, առաջ մեզ էին ասում, որ թեղիները կտրելու ենթակա են». լարված իրավիճակ` քաղաքապետարանի դիմաց (տեսանյութ) Էս տոների մեջ մի՛ խոսա հետս, ես տենց բաներ չեմ անում․ Ավինյանը՝ ցուցարարին (տեսանյութ) Երևանի քաղաքապետարանի ենթակայությամբ գործող բոլոր մանկապարտեզներում կտեղադրվեն տեսախցիկներ. Ավինյան Այս տարի մի քանի կարևոր ուղղություններով ավտոբուսների առանձնացված գծեր կսահմանվեն. Ավինյան