Հաշվեքննիչ պալատի նախագահ Լևոն Յոլյանն ազատվել է պաշտոնից
ՔաղաքականՀիմք ընդունելով Հաշվեքննիչ պալատի նախագահ Լևոն Յոլյանի հրաժարականի մասին դիմումը և առաջնորդվելով «Ազգային ժողովի կանոնակարգ» սահմանադրական օրենքի 147-րդ հոդվածի 1-ին մասի և 2-րդ մասի 2-րդ կետի, ինչպես նաև «Հաշվեքննիչ պալատի մասին» օրենքի 17-րդ հոդվածի 7-րդ մասի 4-րդ կետի պահանջներով՝ դադարած համարել Հաշվեքննիչ պալատի նախագահ Լևոն Յոլյանի լիազորությունները:
Օրեր առաջ ԼՈՒՐԵՐ․com-ի հետ զրույցում Լևոն Յոլյանը հայտնել էր, որ հրաժարականի դիմում է ներկայացրել․ «Իմ անձնական որոշումն է»,- նշել էր նա։
Նշենք, որ նա 13 տարի աշխատել է պալատում, որից վերջին 5 տարին՝ պալատի ղեկավարի պաշտոնում։ Նա այդ պաշտոնին նշանակվել էր 2017 թվականի փետրվարի 28-ից։
Ի դեպ, Յոլյանը Սերժ Սարգսյանի մտերիմ ընկերն է։ Ոմանց մոտ զարմանք էր առաջացում այն հանգամանքը, որ հեղափոխությունից հետո շարունակեց մնալ այդ պաշտոնին։