ԱՄՆ-ն հանձնառու է շարունակել Հայաստանի հետ համագործակցությունը արդարադատության և այլ ոլորտներում. Թրեյսին՝ ՍԴ նախագահին

ԱՄՆ վարչակազմը հանձնառու է շարունակել սերտ համագործակցությունը Հայաստանի Հանրապետության հետ՝ արդարադատության, իրավունքի գերակայության և ժողովրդավարական հաստատությունների ամրապնդման ոլորտներում: Այս մասին հայտնել է ՀՀ-ում Ամերիկայի Միացյալ Նահանգների արտակարգ և լիազոր դեսպան Լին Թրեյսին՝ Սահմանադրական դատարանի նախագահ Արման Դիլանյանի հետ հանդիպմանը:

Դիլանյանը Լին Թրեյսիին ընդունել է հունվարի 27-ին, դեսպանին ուղեկցել են ԱՄՆ ՄԶԳ հայաստանյան առաքելության ժողովրդավարության, կառավարման և իրավունքի գերակայության ծրագրերի պատասխանատու Քելի Սթրիքլենդը, ԱՄՆ դեսպանության Թմրամիջոցների դեմ պայքարի և իրավապահ համագործակցության (ԹՊԻՀ) գրասենյակի տնօրեն Ալեքսիս Հաֆթվանին և ԱՄՆ դեսպանության քաղաքական և տնտեսական բաժնի ղեկավարի տեղակալ Քիմբերլի Զեպֆելը։

Ողջունելով ամերիկացի գործընկերներին՝ Արման Դիլանյանը բարձր է գնահատել հայ-ամերիկյան փոխգործակցությունը և դատաիրավական ոլորտում երկկողմ օրակարգի իրագործման ուղղությամբ շարունակապես տարվող աշխատանքը: Արման Դիլանյանը նշել է, որ Հայաստանի Հանրապետության սահմանադրական դատարանն ունի ներքին բարեփոխումների հավակնոտ օրակարգ և հաստատակամ է այն կյանքի կոչելու հարցում, և միջազգային գործընկերների, այդ թվում՝ ԱՄՆ օժանդակությունն էլ ավելի կխթանի դրանց բարեհաջող իրականացումը:

Իր հերթին դեսպան Թրեյսին շնորհակալություն է հայտնել հանդիպման հնարավորության համար և նշել, որ ԱՄՆ վարչակազմը հանձնառու է շարունակել սերտ համագործակցությունը Հայաստանի Հանրապետության հետ՝ արդարադատության, իրավունքի գերակայության և ժողովրդավարական հաստատությունների ամրապնդման ոլորտներում: Այս համատեքստում դեսպան Թրեյսին կարևորել է Բարձր դատարանում մեկնարկած ներքին բարեփոխումների գործընթացը:

Հանդիպման ընթացքում զրուցակիցները մտքեր են փոխանակել համատեղ ծրագրերի իրականացման հեռանկարների շուրջ:

Այս թեմայով ԱՄՆ-ը Հայաստանի և Ադրբեջանի հետ քննարկում է ապաշրջափակման հարցում տեխնիկական աջակցություն տրամադրելու հնարավորությունը ԱՄՆ դեսպանը հանդիպել է «Հայաստան» խմբակցության պատգամավորների հետ ԱՄՆ դեսպանատունը 3 նոր գեներատոր է տրամադրել Հայաստանի ռազմաբժշկությանը Ես աջակցում եմ Հայաստանի ժողովրդին, ով ենթարկվել է ևս մեկ չհրահրված հարձակման. Քեթրին Քլարք Վրաստանում և Ադրբեջանում ԱՄՆ դեսպանները Հայաստան են եկել ԱՄՆ-ն հետաքրքրված է, որպեսզի Հարավային Կովկասում բացվեն հաղորդակցության ուղիները. Ադրբեջանում ԱՄՆ դեսպան Մհեր Գրիգորյանն ու Լին Թրեյսին զրուցել են որոշ ոլորտներում համագործակցության հեռանկարների մասին Պապիկյանը Թրեյսիի հետ հանդիպմանը կարևորել է ԱՄՆ դերակատարությունը ԵԱՀԿ Մինսկի խմբի շրջանակներում ԱԽ քարտուղարն ԱՄՆ դեսպանի հետ հանդիպմանն անդրադարձել է տարածաշրջանում հաղորդակցության ուղիների ապաշրջափակումը դերակատարությանը ՀՀ-ում ԱՄՆ դեսպանը խոսել է Հայաստանի և Թուրքիայի միջև հաշտեցման հեռանկարի մասին