Կապանի զորամասից փախուստի դիմած եզդի զինծառայողը զանգահարել է տուն. ինչ է ասել տանեցիներին. մանրամասներ

Արդեն 2 օր է, ինչ համացանցում ակտիվ շրջանառվում է Կապանի զորամասերից մեկում տեղի ունեցած սկանդալային դեպքը:

Ըստ մամուլում տարածված լուրերի՝  եզդի նորակոչիկին ստիպել են մաքրել զուգարանը, դաժան ծեծի ենթարկել և զրկել հացից, և նա, գտնվելով այդ ճնշումների տակ, փախուստի է դիմել զորամասից: Այս տեղեկության հետ զուգահեռ այսօր արդեն սկսեց տարածվել մեկ այլ լուր, որում նույն զորամասում ծառայող զինվորը պատմում է, որ նման բան չի եղել և հենց Վլեն է իրեն սխալ պահել հրամանատարության առաջ, նա հրաժարվել է կարգի բերել իր ննջասենյակը և կրել զինվորական համազգեստը, վերջինս ճնշումների չի ենթարկվել:

Պարզաբանում ստանալու նպատակով ԼՈՒՐԵՐ.com-ը զրուցեց նորակոչիկի տատիկի՝ Ռոզա Ֆերոյանի հետ, որը հերքեց իր թոռան զինակցի հայտնած լուրը:

Նա նշեց, որ եթե թոռը հրաժարվեր համազգեստ կրելուց և ծառայելուց, ապա առողջական խնդիր ունենալով ինքնակամ չէր գնա զինկոմիսարիատ և խնդրեր, որ իրեն հաշվառեն ծառայության. «Վլեն կրծքավանդակի հետ կապված առողջական խնդիր ունի, բայց ինքը չի նայել դրան, գնացել է Աշտարակի զինկոմիսարիատ և խնդրել, որ իրեն տանեն ծառայության: Բացի սա, եթե ինքը չցանկանար ծառայել, ապա Ռուսաստանի Դաշնությունից չէր վերադառնա հայրենիք՝ ծառայելու նպատակով»,- նշեց զորամասը լքած զինծառայողի տատը:

Վերջինս իր համոզմունքը հայտնեց, որ այն զինվորին, որը հերքել է իր թոռան հետ կատարվածը, ստիպել են, որ զանգահարի և այլ պատմություն պատմի. «Պարզից էլ պարզ է, իրեն սովորեցրել են, որ նման բաներ ասի, իր ասածները իրականությանը չեն համապատասխանում»,- պատմեց Ռոզա Ֆերոյանը:

Հետաքրքրվեցինք, թե արդյոք գիտեն որտեղ է գտնվում այս պահին Վլեն, կապի դուրս եկե՞լ է նրանց հետ, մեր զրուցակիցը պատասխանեց. «Այսօր նոր մեզ հետ կապի է դուրս եկել՝ 2 ժամ առաջ, ասաց, թե որտեղ է գտնվում և նշեց, որ շուտով կգա Երևան՝ հանձնվելու: Վլեն միայն մեկ բան ասաց, որ այդ զորամասում ոչ մի դեպքում զինծառայությունը չի շարունակի, յուրաքանչյուր զորամաս կգնա, բացի Կապանի զորամասից»,- ընդգծեց Ռոզա Ֆերոյանը:

Հիշեցնենք, որ այսօր՝ փետրվարի 3-ին, այս դեպքին անդրադարձ էր կատարել նաև ՊՆ փոխնախարար Արման Սարգսյանը՝ նշելով, որ զորամասն ինքնակամ լքած զինվորի դեպքի մասով սկսվել է քննություն, որի շրջանակներում գնահատական կտրվի նաև այն հանգամանքին, թե ինչն է պատճառ հանդիսացել զորամասն ինքնակամ թողնելու:

Զվարթ Պետրոսյան

Այս թեմայով «Զինվոր ծնվել ենք, զինվոր էլ կմեռնենք». լարված վիճակ Տավուշում, ցուցարարները չեն բացում ճանապարհը Շուրջ 2600 եզդի կանայք դեռ գերության մեջ են, ցեղասպանությունը շարունակվում է. Ռուստամ Բաքոյան Եզդիների ցեղասպանությունը չի ավարտվել, շուրջ 2600 եզդի կանայք արաբական շուկայում հանվել են վաճառքի Գորիս-Կապան ճանապարհը ռուսներն են տվել, Արցախը՝ ձեր ղեկավարությունը․ Գագիկ Մելքոնյանը՝ լրագրողներին «Կապան քաղաքը չկա ըստ էության․ 2020-ին Վաղարշակ Հարությունյանը Փաշինյանի հետ ստորագրել է դելիմիտացիան» ՃՏՊ Կապան-Տաթև ավտոճանապարհին. կա տուժած Մերկասառույց ու խցանումներ՝ Կապան-Գորիս ճանապարհին․ փրկարարները քարշակել են ավելի քան 20 ավտոմեքենա Ճամբարակ, Ջերմուկ, Կապան, Բերդ քաղաքներում վորքաութ տեսակի մարզահրապարակներ կկառուցվեն Մալխաս Ամոյան. Հաղթանակս նվիրում եմ հայ և եզդի ազգին Կապան-Զանգելան հատվածում հայաստանցի դիրքապահների կողմից կրակ բացելու մասին տեղեկությունը հետաքննվում է․ ՀՀ ՌՈ