Եվրամիությունը 2 միլիարդ եվրոյի ֆինանսական փաթեթ է հատկացրել Ադրբեջանին

Ադրբեջանի արտաքին գործերի նախարար Ջեյհուն Բայրամովի և Եվրոպական միության Հարևանության և ընդլայնման հարցերով հանձնակատար Օլիվեր Վարհելիի միջև հանդիպում է կայացել։

Ինչպես հաղորդում է ԱՊԱ-ն, նախարար Ջեյհուն Բայրամովը նշել է, որ Ադրբեջանի և ԵՄ-ի միջև հարաբերությունները զարգանում են հավասար գործընկերության հիման վրա։ 

Բայրամովը գոհունակությամբ է նշել էներգետիկ ոլորտում ԵՄ-ի հետ ռազմավարական գործընկերության զարգացումը։

Նախարարը զրուցակիցներին տեղեկացրել է տարածաշրջանում տիրող իրավիճակի, Հայաստանի հետ հարաբերությունների կարգավորման և սահմանազատման գործընթացի, ինչպես նաև ականների սպառնալիքի մասին։ Նա խոսել է նաև տարածաշրջանում իրականացվող վերականգնողական և վերակառուցման աշխատանքների և, մասնավորապես, ԵՄ հնարավոր դերի մասին։

Հանձնակատար Օլիվեր Վարհելին նշել է, որ Ադրբեջանի հետ գործընկերությունը մեծ նշանակություն ունի ԵՄ-ի համար, և կարևոր է այդ հարաբերությունների հետագա ամրապնդումը։ Նա ընդգծել է, որ Ադրբեջանը ԵՄ-ի հուսալի գործընկերն է։ Հանձնակատարը նշել է, որ տնտեսական ներդրումային ծրագրի շրջանակներում Ադրբեջանին հատկացվել է 2 մլրդ եվրոյի ֆինանսական փաթեթ, որի շրջանակներում դիտարկվում է կոնկրետ նախագծերի իրականացումը։ Օ.Վարհելին նաև հայտնել է ԵՄ-ի պատրաստակամությունը՝ մասնակցելու Ադրբեջանում իրականացվող վերականգնման և վերակառուցման գործընթացին։

Կողմերը մտքեր են փոխանակել տարածաշրջանային անվտանգության, էներգետիկ գործընկերության, տնտեսական կապերի, տրանսպորտի և կապի, ոլորտային համագործակցության, ինչպես նաև փոխադարձ հետաքրքրություն ներկայացնող այլ ոլորտներում համագործակցության իրականացման շուրջ։

Հանդիպմանը փոխադարձաբար արտահայտվել է նոր համաձայնագրի շուրջ բանակցությունների ավարտի կարևորությունը, որը կդառնա Ադրբեջանի և ԵՄ հարաբերությունների իրավական հիմքը։

Հանդիպմանը մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։

Այս թեմայով Եվրամիությունը կոնկրետ առաջարկներ կմշակի Հայաստանի զինված ուժերին աջակցելու համար Հունգարիայի վարչապետը հայտարարել է, որ Եվրամիությունը փլուզվում է Եվրամիությունը մոտ 1,7 միլիոն եվրոյով ավելացնում է մարդասիրական ֆինանսավորումը Հայաստանին Ադրբեջանից Եվրամիություն գազի մատակարարումները կավելացվեն Եվրամիությունը պետք է ակտիվացնի մերժված փախստականներին հայրենիք վերադարձնելու աշխատանքը. ԵՀ Եվրամիությունը պաշտոնապես հրապարակել է Ռուսաստանի դեմ պատժամիջոցների ութերորդ փաթեթը Եվրամիությունը կես տարով երկարաձգել է Ռուսաստանի դեմ պատժամիջոցները Եվրամիությունը աջակցում է տարածաշրջանային երկխոսությանը. Կլաարը՝ Փաշինյանին Եվրամիությունը չի քննարկում Ռուսաստանից գազի մատակարարման դադարեցումը. Բորել Եվրամիությունը հայտարարել է համաեվրոպական բանակ ստեղծելու ծրագրերի բացակայության մասին