Աղջիկը պատմել է եղբոր մասին ճշմարտությունը նրա ընտրյալին և փչացրել նրանց նշանադրությունը
ԺամանցReddit-ի օգտատերը կիսվել է պատմությամբ, թե ինչպես է իր 28-ամյա եղբոր և նրա հարսնացուի միջև վիճաբանության պատճառ դարձել: Աղջկա խոսքով՝ ինքը հայտնել է եղբոր մասին ճշմարտությունը նրա ընտրյալին ու արդյունքում փչացրել նրանց նշանադրությունը։
Գրառման հեղինակն ասել է, որ Ջեյմի անունով ավագ եղբայր ունի։ «Նա շատ զուգընկերուհիներ ուներ, երբեմն կարող էր նույնիսկ միանգամից մի քանի աղջիկների հետ հարաբերություններ ունենալ։ Ինձ դուր չի գալիս, թե ինչպես է նա իրեն պահում հակառակ սեռի հետ, բայց սա նրա կյանքն է, և նա կարող է անել այն, ինչ ուզում է, ուստի ես միշտ աչք եմ փակել դրա վրա », - ասել է նա:
Ինչպես մանրամասնել է աղջիկը, իր եղբայրը չորս երեխա ունի տարբեր կանանցից։ «Ջեյմիի ավագ դուստրը տասը տարեկան է, և նրա մայրը միակն է, ում նա վճարում է երեխայի ալիմենտները», - ասել է աղջիկը և նշել, որ եղբայրը կապ չի պահպանում մյուս երեք երեխաների հետ և զղջում է նրանց լույս աշխարհ գալու համար։
Վերջերս Ջեյմին ամուսնության առաջարկություն է արել իր սիրելիին՝ Նատալիին, ում հետ ծանոթացել էր մի քանի տարի առաջ, եւ նա համաձայնվել է։ Օգտատիրոջ խոսքով՝ ինքը չէր սպասում, որ այս հարաբերությունները երկար կտևեն և կավարտվեն նշանադրությամբ, ուստի հաճելիորեն զարմացել է։
Ընտանեկան հանդիպման ժամանակ, որը տեղի է ունեցել նշանադրությունից հետո, Նատալին խոստովանել է, որ ցանկանում է երեխա ունենալ Ջեյմիից և նրան տեսնում է որպես հիանալի հայր։ Նրա խոսքերը ծիծաղեցրել են փեսայի քրոջը։ «Ես սկսեցի ծիծաղել և ասացի նրան, որ նա լավ հայր չէ մյուս չորս երեխաների համար», - հիշում է աղջիկը: Ինչպես պարզվել է, հարսնացուն ոչինչ չգիտեր փեսայի երեխաների մասին։
Արդյունքում Ջեյմին շատ է զայրացել և բղավել է քրոջ վրա։ Կոնֆլիկտի պատճառով աղջիկը ստիպված է եղել տուն գնալ։ Շուտով նրա հեռախոսը սկսել է պայթել եղբոր զանգերից։ Աղջիկը հասկացել է, որ նա վիճաբանել է հարսի հետ։ «Եղբայրս ինձ մեղադրում է կատարվածի համար։ Ես փչացրեցի նրա նշանադրությունը։ (...) Ծնողները համաձայն են նրա հետ և նույնիսկ դադարել են շփվել ինձ հետ»,- գրել է նա։
Օգտատերերի մեծ մասն անցել է պատմողի կողմը և քննադատել եղբորը՝ իր երեխաներին հարսնացուից թաքցնելու համար: Նրանց կարծիքով՝ աղջիկը ճիշտ է վարվել՝ Նատալիին ասելով ճշմարտությունը։