Հռոմի պապը հայտնել է՝ ինչ էր երազում դառնալ
ԺամանցՀռոմի պապ Ֆրանցիսկոսն ասել է, որ մանկուց ցանկացել է մսագործ դառնալ։ Պոնտիֆիկոսն առաջին անգամ մասնակցել է իտալական հեռուստատեսությամբ հայտնի թոք-շոուի։
Rai3 հեռուստաալիքի թոք-շոուի ժամանակ Հռոմի պապը հիշել է, թե ինչպես է մանկության տարիներին տեսել մի մսագործի, ով գոգնոց է կրել գրպանով, որտեղ մսավաճառը գումար է դրել: «Եվ ես ասացի, որ կցանկանայի մսավաճառ դառնալ: Երբ ինձ հարցրին, թե ինչու, ես պատասխանեցի. «Տեսեք, թե ինչքան փող ունի»,- պոնտիֆիկոսի խոսքերը մեջբերում ՏԱՍՍ-ը։
Նա ասել է նաև, որ քիմիայի սիրահար է և 19 տարեկանում «պատրաստվում էր բժշկական ֆակուլտետ ընդունվել», բայց «կոչը եկավ», և ինքը «ընդունվեց ճեմարան»։