Հարսն ու փեսան հանուն հարազատների տարվա մեջ երեք անգամ հարսանիք են արել

Զույգն ամուսնացել է տարվա մեջ երեք անգամ տարբեր երկրներում, որպեսզի հարսի և փեսայի կողմից բոլոր հարազատները ներկա գտնվեն տոնակատարությանը։ Այս մասին հայտնում է Insider-ը։

Արգենտինայի բնակչուհին պատմել է, որ ամուսնության մասին չի մտածել այնքան ժամանակ, քանի դեռ ԱՄՆ-ի Մեյն քաղաքից իր ընկերը ամուսնության առաջարկություն չի արել Արգենտինայի լողափերից մեկում։ Մինչ այդ զույգը երկու տարի հանդիպելիս է եղել։ Երբ արգենտինուհին համաձայնել է ամուսնանալ իր սիրելիի հետ, ապագա հարսն ու փեսան անմիջապես զանգահարել են իրենց հարազատներին, պատմել ամուսնության պլանների մասին և հրավիրել տոնին՝ չնշելով ժամը և վայրը։

Հարսնացուի խոսքով՝ հարազատները շնորհավորել են զույգին, բայց միևնույն ժամանակ մտահոգություն են հայտնել, թե որտեղ են տոնելու սիրահարները։ Տոնակատարությունը հնարավորինս շատ հարազատների հետ կիսելու համար արգենտինուհին ու ամերիկացին որոշել են երեք անգամ ամուսնանալ։

Նշանադրությունից մեկ ամիս անց զույգն իր առաջին հարսանիքն է անցկացրել Բրուքլինում (Նյու Յորք): Դրան մասնակցել են հարսի ու փեսայի ծնողներն ու նրանց տեղացի ընկերները։ Արգենտինուհին բացատրել է, որ տոնի նման արագ կազմակերպումը պայմանավորված է նրանով, որ իր սկեսուրի մոտ գլխուղեղի ուռուցք է ախտորոշվել, իսկ իրեն մնացել է ընդամենը մի քանի ամիս ապրել։ Հարսնացուն պատմել է, որ համացանցից զգեստ ու կոշիկ է գնել՝ նույնիսկ չփորձելով դրանք, իսկ փեսացուն վերցրել է հին կոստյումը և հագել այն գուլպաները, որոնք սիրելին իրեն նվիրել է առաջին համատեղ հանգստի ժամանակ։

Նորապսակներն իրենց երկրորդ հարսանիքն անցկացրել են Ուրուգվայում, քանի որ հարսնացուի 97-ամյա տատիկը և շատ այլ հարազատներ ԱՄՆ մուտքի վիզա չեն ունեցել։ Արգենտինուհին խոստովանել է, որ այս արարողությունը դարձել է իր սիրելին. տոնը կազմակերպել են պրոֆեսիոնալները, և նա հատուկ ընտրել է ամենագեղեցիկ զգեստը։

Փեսայի մահամերձ մորը հաճոյանալու համար զույգը մեկնել է Մեյն՝ իրենց երրորդ հարսանիքին: Տոնը նշվել է բնության գրկում։ Արգենտինուհին լիովին վստահել է ամուսնուն և թույլ է տվել նրան հոգալ կազմակերպչական բոլոր հարցերը։

Ամուսինների խոսքով՝ իրենք նշում են միայն այն օրը, երբ պաշտոնապես ամուսնացել են։ Ամուսինն ու կինը դա բացատրում են նրանով, որ մեկ թիվ հիշելն ավելի հեշտ է, քան երեքը:

Այս թեմայով Գանայում 12-ամյա աղջկա հետ ամուսնացած 63-ամյա քահանան կարող է պատժվել․ հետաքննություն է սկսվել Այսօր էստրադային երգիչ Սամվել Գրիգորյանի որդու հարսանիքն է (լուսանկարներ) Հարսնացուն հարսանիքի հաջորդ օրը վերցրել է փեսայի փողերն ու փախել «Տարվա հարսանիքը»․ Ասիայի ամենահարուստ մարդն ամուսնացնում է իր որդուն (տեսանյութ, լուսանկարներ) Փեսան հարսանիքին ներկայացել է Apple Vision Pro ակնոցով ու զայրացրել հարսնացուին Ո՞ւր է տուժողը, առանց հարս հարսանիք, կամ առանց մեռել թաղման է նման այս ամենը. Աշոտյան Հարսնացուն դավաճանել է փեսային հարսանիքի օրը՝ վերջինիս հարազատի հետ Հարսի և փեսայի հարազատները կռվել են գաղտնի հարսանիքի պատճառով Հարսնացուի հայրը համացանցի աստղ է դարձել այն բանից հետո, երբ նրա տաբատն ընկել է եկեղեցում «Դարի հարսանիքի» փեսային սպառնում է 25 տարվա ազատազրկում