Փախուստի դիմած տղամարդը գրեթե մեկ տարի թաքնվել է անտառում

Իսպանիայում փախուստի դիմած տղամարդը գրեթե մեկ տարի թաքնվել է ոստիկանությունից՝ ապրելով անտառում, գրում է Oddity Central-ը։ Լինելով գոյատևման մասնագետ՝ տղամարդու համար դժվար չէր բնակություն հաստատել վայրի բնության գրկում։

Նախկին զինվորական Ալֆրեդո Սանչես Չակոնը դատապարտվել է ազատազրկման 1996 թվականին 24-ամյա երիտասարդի սպանության համար։ Առաջին անգամ իսպանացուն հաջողվել է փախչել հենց դատավարության ժամանակ, սակայն 2002 թվականին նրան բռնել են։

Արդյունքում Ալֆրեդոն դատապարտվել է 17 տարվա ազատազրկման։ Բացի այդ, փախուստի և այլ մանր խախտումների ժամկետին ավելացվել է ևս երկու տարի։ Մինչև 2021 թվականը Չակոնը բանտում էր, բայց մարտին կրկին փախուստի է դիմել։

Լրատվամիջոցների տեղեկություններով՝ բանտարկյալին թույլ է տրվել երեք օրով հեռանալ բանտից՝ ընտանիքի հետ հանդիպելու համար, սակայն Չեկոն այդպես էլ չի վերադարձել։ Ոստիկանները սկսել են փնտրել նրան, սակայն տեղեկություն չունեին, թե որտեղ է նա։

Սակայն սպաներին օգնել են տեղի բնակիչները։ Օրինակ՝ նրանցից մեկը հայտնել է, որ Ալֆրեդոն թաքնվել է իր ավտոտնակում, բայց կարողացել է փախչել։ Մեկ այլ վկա ասել է, որ տեսել է տղամարդուն ազգային պարկում:

Չակոնին բռնել են  միայն անցյալ շաբաթ՝ նրա փախուստից 11 ամիս անց: Նա փորձել է մտնել ուրիշի տուն՝ սնունդ հայթայթելու համար, սակայն տերերը նկատել են նրան և ոստիկանություն կանչել, որը բերման է ենթարկել Ալֆրեդոյին։

Տղամարդուն վերադարձրել են բանտ, որտեղ նա շարունակել է կրել ժամկետը։ Դեռ հայտնի չէ, թե ինչ պատիժ է սպառնում իսպանացուն երկրորդ փախուստի համար։

Այս թեմայով Իսպանիայում սկանդալ է բորբոքվել՝ Հիսուս Քրիստոսի նկարի հետ կապված․ նկարչից պահանջում են ներողություն խնդրել Իսպանիայում 10 միանձնուհիներ մեղադրվել են նկարներ գողանալու և վանքից փախչելու մեջ։ Իսպանիայի խորհրդարանականները հայտարարությամբ դատապարտել են Արցախում Ադրբեջանի գործողությունները Իսպանիան կրկին ֆինանսական և սոցիալական աջակցություն կցուցաբերի Արցախից տեղահանված 250 ընտանիքի Պատահաբար փողոց բաց թողնված ցլերը հետապնդել են մարդկանց և տեսագրվել (տեսանյութ) Իսպանիայի թագավորի ավագ դուստրը երեք տարի կծառայի բանակում Իսպանիայում կինը ստիպել է նախկին ամուսնուն վճարել 25 տարվա ընթացքում իր կատարած տնային գործերի համար Իսպանիայում հայրը ջարդուփշուր է արել որդու մեքենան, որպեսզի թույլ չտա նրան հարբած վիճակում մեքենա վարել ՀՀ դեսպանը Իսպանիայի Կոնգրեսի հանձնաժողովի նախագահի հետ հանդիպմանը ընդգծել է Լաչինի միջանցքը բացելու անհրաժեշտությունը Իսպանիայի 17-ամյա արքայադուստրը սիրահարված է ազգային հավաքականի ֆուտբոլիստ Գավիին․ AS