Ամերիաբանկն առաջինը Հայաստանում հրապարակային առաջարկի միջոցով տեղաբաշխում է կանաչ պարտատոմսեր

14.02.22 Ամերիաբանկը փետրվարի 14-ից ապրիլի 22-ը ներառյալ իրականացնում է 8 մլն ԱՄՆ  դոլար և 3 մլրդ ՀՀ դրամ ծավալներով անվանական, արժեկտրոնային, ոչ փաստաթղթային պարտատոմսերի հրապարակային տեղաբաշխում: Սա Հայաստանում կանաչ պարտատոմսերի` հրապարակային առաջարկի միջոցով իրականացվող առաջին տեղաբաշխումն է:  

Պարտատոմսերի շրջանառության ժամկետը 27 ամիս է, արժեկտրոնային տոկոսադրույքը դոլարային պարտատոմսերի դեպքում կազմում է 3.5 %, իսկ դրամային պարտատոմսերի դեպքում` 9.5 %: Պարտատոմսերի անվանական արժեքն է  100 ԱՄՆ դոլար և 100,000 ՀՀ դրամ: Տեղեկացնենք նաև, որ արժեկտրոնների վճարման պարբերականությունը 3 ամիս է:

Կանաչ պարտատոմսերի տեղաբաշխումից ստացված միջոցները ուղղվելու են «կանաչ ակտիվների» ֆինանսավորմանը: Խոսքը վերաբերում է մասնավորապես այնպիսի ծրագրերին, որոնք կապահովեն բնապահպանական հստակ ձեռքբերումներ՝ խթանելով անցումը դեպի ցածր ածխածնային, կլիմայադիմացկուն և էկոլոգիապես մաքուր տնտեսություն: Հավատարիմ մնալով էկոլոգիական ռիսկերի կառավարման քաղաքականությանը` Ամերիաբանկը շարունակաբար ավելացնում է կանաչ ակտիվների պորտֆելը և ֆինանսավորում նախագծեր, որոնք ուղղված են երկարաժամկետ կայուն լուծուﬓերի մշակմանը:

Կենտրոնական բանկի կողմից գրանցված ծրագրային ազդագրին, դրա լրացումներին, ինչպես նաև թողարկման վերջնական պայմաններին կարող եք ծանոթանալ հետևյալ հղումներով.  

դրամային պարտատոմսերի դեպքում` այստեղ

իսկ դոլարային դեպքում` այստեղ

Տեղեկացնենք նաև, որ ներդրողները պարտատոմսերի ծրագրային ազդագիրը և դրա լրացման տպագիր տարբերակները կարող են ձեռք բերել «Ամերիաբանկ» ՓԲԸ գլխամասային գրասենյակում (հասցե` ՀՀ, 0010 Երևան, Վազգեն Սարգսյան 2):

Հիշեցնենք, որ 2020թ. Ամերիաբանկն առաջինը Հայաստանում թողարկեց և տեղաբաշխեց կանաչ պարտատմոսեր` 42 մլն եվրո ընդհանուր ծավալով:

Ամերիաբանկը Հայաստանի դինամիկ զարգացող բանկերից է: Այն դասվում է երկրի ամենակայուն և խոշոր ֆինանսական հաստատությունների շարքին և ունի հստակ ձևակերպված թվայնացման օրակարգ: «Ամերիաբանկ» ՓԲԸ-ն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: 2021 թվականի արդյունքներով Ամերիաբանկը շուկայի առաջատարն է` բոլոր հիմնական ֆինանսական ցուցանիշներով: Բանկի ակտիվները գերազանցում են 1 տրիլիոն ՀՀ դրամը:

Այս թեմայով Ամերիաբանկի վարկային պորտֆելը գերազանցել է 1 տրիլիոն ՀՀ դրամը 2 խաղարկություն և 91 նվեր քարտ. Ամերիաբանկն ամփոփեց արդյունքները Առաջինը Հայաստանում. Ամերիաբանկի հիփոթեքային պորտֆելը գերազանցել է 200 մլրդ դրամը Ամերիաբանկի ՓՄՁ վարկային պորտֆելը hինգ տարում գրանցել է կրկնակի աճ Առաջինը Հայաստանում. MyAmeria-ում գործարկվել է Visa Card Subscription-ը Ամերիաբանկն ամփոփեց Visa-ի հետ համատեղ արշավը. Հայտնի է Volkswagen ID.4 էլեկտրամոբիլի հաղթողը Արտարժույթ փոխարկող լավագույն բանկը Հայաստանում. «Եռակի լավագույն» Ամերիաբանկի նոր մրցանակը Խելացի լուծումների կիրառումը ֆինանսական ընկերություններում. Ամերիաբանկը` Silicon Mountains 2022-ի գործընկեր Ամերիաբանկ․ Հայաստանի բանկային ոլորտի ավանգարդում «Ամերիա Բիզնես» թվային հարթակն առաջարկում է նոր հնարավորություններ