Կայացել է 44-օրյա պատերազմի հանգամանքներն ուսումնասիրող քննիչ հանձնաժողովի նիստը

Փետրվարի 14-ին առաջին նիստն է գումարել 2020 թվականի սեպտեմբերի 27-ին սանձազերծված ռազմական գործողությունների հանգամանքների ուսումնասիրման նպատակով ստեղծված ՀՀ ԱԺ քննիչ հանձնաժողովը:  Լիազորությունները կիրականացնի ԱԺ պաշտպանության եւ անվտանգության հարցերի մշտական հանձնաժողովը:

Այս մասին հայտնում են Ազգային ժողովից:

Անդրանիկ Քոչարյանը փաստել է, որ հանձնաժողովի   ստեղծման անհրաժեշտությունն արտացոլված է Կառավարության 2021-2026թթ. ծրագրում ու ներկայացրել քննության առարկա հանդիսացող 7 ուղղություն`

2020 թվականի սեպտեմբերի 27-ի ռազմական գործողությունների սանձազերծման նախադրյալները, պատճառներն ու պայմանները, պատերազմի ժամանակագրությունը, հայկական կողմի կրած կորուստները,

Արձանագրված անհաջողությունների քաղաքական եւ ռազմական պատճառները եւ դրանց նպաստող պայմանները,

Պաշտպանության ոլորտի ղեկավարման եւ կառավարման համակարգը, պատերազմին նախորդող ժամանակահատվածում պաշտպանության ոլորտում սահմանված նախապատրաստական գործողությունների ընթացքը,

Զինվորական ղեկավար մարմինների ու պաշտոնատար անձանց գործողությունների, ընդունված որոշումների օպերատիվությունը, դրանց համապատասխանությունը եւ համարժեքությունը ստեղծված օպերատիվ ռազմական իրավիճակին,

Ռազմական գործողությունների ընթացքում եւ դրանից հետո հարուցված քրեական գործերում ռազմական իրադարձությունները հաստատող կամ հերքող փաստական հանգամանքների ուսումնասիրություն,

Զինված ուժերի ապահովման, թիկունքային սպառազինության, մարտական պատրաստության, մարտական հերթապահության կրման կանոնների կատարման, զորքերի համալրման, զորքերի ծառայության, հետախուզական գործունեության վիճակի ուսումնասիրություն,

Բանակցային գործընթացը, 44-օրյա պատերազմի ավարտը:

Անդրանիկ Քոչարյանն անդրադարձել է հանձնաժողովի իրավասության ոլորտին, որի շրջանակում հնարավոր է պահանջել եւ ստանալ պաշտպանության ոլորտին առնչվող նորմատիվային եւ ոչ նորմատիվային ակտեր, հրամաններ, հրահանգներ, ծառայողական քննության նյութեր, զեկուցագրեր, տեղեկանքներ, կոլեգիայի եւ ռազմական խորհրդի հաշվետվություններ՝ այդ թվում գաղտնիության ռեժիմ ունեցող փաստաթղթեր: Հանձնաժողովը կարող  է պահանջել  նաեւ քննչական մարմինների տիրույթում գտնվող պատերազմական  գործողությունների ընթացքում հարուցված քրեական գործերում ռազմական իրադարձությունները հաստատող կամ հերքող փաստական հանգամանքների մասին տեղեկատվություններ:

Ըստ անհրաժեշտության՝ առերեսման դեպքում  կարող են հրավիրվել քննչական մարմինների, բարձրագույն սպայական կազմի ներկայացուցիչներ, բարձրաստիճան պաշտոնյաներ:

ԱԺ պաշտպանության եւ անվտանգության հանձնաժողովի նախագահ Անդրանիկ Քոչարյանը ներկայացրել է նաեւ հանձնաժողովի 36 կետից բաղկացած  աշխատակարգը:

Նիստին ներկա ընդդիմադիր հանձնաժողովականները հայտարարել են, որ ԱԺ «Հայաստան»  եւ «Պատիվ ունեմ» խմբակցություններն որոշում են կայացրել չմասնակցել իշխանությունների կողմից ստեղծված քննիչ հանձնաժողովի աշխատանքներին: Անդրանիկ Քոչարյանը նշել է, որ նախապես տարածված հայտարարությունը դեռ չի արտացոլում նիստին ներկա ըննդիմադիր 3 պատգամավորների դիրքորոշումները:

Ի պատասխան՝ Գեղամ Մանուկյանը, Գեղամ Նազարյանը եւ Տիգրան Աբրահամյանը  շեշտել են, որ  իշխանական թեւի մասնակցությամբ  գործող հանձնաժողովի աշխատանքները չեն կարող օբյեկտիվություն ապահովել ու լքել են դահլիճը:

Քննիչ հանձնաժողովի առաջին նիստից հետո Ազգային ժողովի մեկ  այլ սրահում տեղի է ունեցել նաեւ ասուլիս: Նորաստեղծ հանձնաժողովի անդամները պատասխանել են լրագրողների հարցերի:  Դրանք  վերաբերել են հանձնաժողովի փորձագիտական կազմին, նիստերի անցկացման ժամանակացույցին, ընթացքին  եւ  շահագրգիռ կողմերի ներգրավվածության հնարավորություններին:

Այս թեմայով Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Իսրայելը հայտարարել է, որ պատերազմ չի ցանկանում Իրանի և Լիբանանի հետ, բայց հարձակման դեպքում պատրաստ է դրան Եթե պատերազմ լինի, այդ պատերազմը բերելու է Նիկոլ Փաշինյանը. Սաղաթելյան Թաիլանդում «պատերազմ» է սկսվել կապիկների խմբերի միջև (տեսանյութ) Պատերազմում կյանքեր փրկած կին հրամանատարը․ ՀՀ ՊՆ–ն տեսանյութ է հրապարակել Դե յուրե հատուկ ռազմական գործողություն է, դե ֆակտո՝ պատերազմ. Պեսկովը՝ Ուկրաինայի մասին Փաշինյանը ժողովրդին ասում է՝ հետ չգնաք, պատերազմ է սկսվելու, բայց չկա քարտեզ ու համաձայնագիր Զախարովան մեկնաբանել է Փաշինյանի հայտարարությունը «պատերազմ սկսվելու» հավանականության մասին Շաբաթվա վերջում պատերազմ կլինի, եթե ոչինչ չանենք, հետո ինձ կասեք՝ մենք գյուղացի էինք, բա դու՞ք Հեռացրել են պատերազմում զոհված Ալբերտ Հովհաննիսյանի անունով վահանակը. ահազանգում է հայրը