Ադրբեջանական հենակետեր Ոսկեպար-Բաղանիս հատվածո՞ւմ. ասում են՝ բնակիչներն ուրախ են

Այսօր համացանցում տեղեկություն էր տարածվել այն մասին, որ  Հայաստանի և Ադրբեջանի միջև խորհրդային քարտեզներով սահմանագծում և սահմանազատում անելու դեպքում, խորհրդային տարիներին ադրբեջանաբնակ գյուղերի տարածքները, կարող են հանձնվել Ադրբեջանին։ Սահմանագոտու բնակիչներին անհանգստություն է պատճառում այն, որ սահմանի այդ հատվածում, Հայաստան-Վրաստան միջպետական ավտոճանապարհի Ոսկեպար-Բաղանիս հատվածում կարող են տեղադրվել ադրբեջանական հենակետեր, և իրենք Տավուշի մարզկենտրոն Իջեւան, կամ՝ Երևան հասնելու համար ստիպված կլինեն երթևեկել ադրբեջանական անցակետերի կողքով։ Ըստ շրջանառվող լուրերի՝ բնակիչների միայն մի մասն է անհանգստացած այս թեմայով, իսկ մյուսը՝ երջանիկ է, քանի որ վերջապես թեկուզ մի քանի ամսով, բայց կունենա աշխատանք՝ կլինի բանվոր այդ ավտոճանապարհի կառուցման համար:

Այս թեմայով ԼՈՒՐԵՐ.com -ը զրուցեց Բաղանիս համայնքի ղեկավարի Նարեկ Սահակյանի, որը ո՛չ հաստատեց և ո՛չ էլ բացառեց  ադրբեջանական անցակետերի հնարավոր տեղակայման մասին լուրերը. «Ես հիմա որևէ բան չեմ ասում, քանի որ տեղյակ չեմ, թե բանակցային սեղանին ինչ է քննարկվում, այդ պատճառով չեմ կարող ասել, թե ինչի սպասենք: Ամբողջ խոսակցությունները օդում են, հենց այդ բամբասանքներն են մեր «տունը քանդում»»,- ասաց համայնքի ղեկավարը:

Անդրադառնալով ադրբեջանական անցակետերի տեղակայմանը բնակիչների երջանիկ լինելուն՝ Նարեկ Սահակյանն ասաց՝ չկա որևէ մեկը, ով կերջանկանա դրանց տեղակայումից. «Գյուղում, իհարկե, կա աշխատանքի խնդիր բայց ամեն մարդ իր գործը գտնում է այստեղ: Նրանց հիմնական զբաղմունքն անասնապահությունն ու գյուղատնտեսությունն է, 1991 թվականից այդպես է եղել, գյուղացին հո քիմիական արտադրամասում չի աշխատելու, իհարկե, ցանկալի կլիներ, որ այստեղ լիներ ինչ-որ փոքրիկ արտադրամաս, բայց, ցավոք, չկա»,- նշեց մեր զրուցակիցը:

Ոսկեպարի վարչական շրջանի ղեկավար Իշխան Աղբալյանն էլ նշեց, որ նման լուրեր իրեն չեն հասել և առայժմ բացառեց հենակետերի տեղակայումը:

Խոսելով գյուղացիների աշխատանք չունենալուց, նա ասաց, որ անգամ եթե այդ հենակետերը տեղակայվեն էլ, միևնույն է, այդ աշխատանքը ժամանակավոր է լինելու և կարիք չկա ուրախանալու. «Ենթադրենք, այդ հենակետերը տեղադրվում են և գյուղացիները ունենում են ժամանակավոր աշխատանք, բայց այստեղ մարդիկ պահանջում են, որ հիմնական աշխատատեղ ստեղծվի, ոչ թե ժամանակավոր»,- նշեց նա՝ հավելելով, որ ցանկացած գյուղում էլ կա աշխատատեղի խնդիր, սակայն իրենց մոտ հիմնականում զբաղվում են անասնապահությամբ:

Զվարթ Պետրոսյան

Այս թեմայով Բաղանիսի մոտ բնակիչները նոր սյուներ են նկատել․ «Ազատություն» Ես երեկ ադրբեջանական կայքերն էի նայում՝ էդ Նիկոլին ոնց են գովում. Տիգրան Մուրադյան (տեսանյութ) ՈՒՂԻՂ. Տավուշում իրադրությունը լարված է. Ոսկեպար-Կիրանց հատվածը փակ է Ադրբեջանական զորքն առանց մեկ կրակոցի տեղավորվում է Տավուշի մեր դիրքերում. Կարեն Վրթանեսյան ՀԻՄԱ․ Կիրանց-Ոսկեպար ճանապարհն՝ այս պահին. պայքարը շարունակվում է Ես չեմ ասել, որ Ոսկեպարում ադրբեջանական դրոշ կա, ինչպես տարածվել է լրատվականներով. Բագրատ Սրբազան ՀԻՄԱ. Կիրանցում իրավիճակը սրված է, ոստիկանները փակել են Բաղանիս-Ոսկեպար ճանապարհը Բաղանիս-Ոսկեպար հատվածում այսօր նախատեսվում են սահմանազատման հետ կապված աշխատանքներ ՈՒՂԻՂ․ ինչ իրավիճակ է Ոսկեպար, Բաղանիս, Կիրանց գյուղերում Նոյեմբերյան-Ոսկեպար ճանապարհին իրավիճակը շարունակում է լարված մնալ (տեսանյութ)