110 ծառայություն՝ մեկ վայրում․ Վանաձորում քաղաքացիական կենտրոն է բացվել

ՀՀ Արդարադատության նախարարության և  «ՀայՓոստ» ՓԲԸ-ի համագործակցության շնորհիվ, ԱՄՆ միջազգային զարգացման գործակալության աջակցությամբ Վանաձոր քաղաքում բացվել է Քաղաքացիական կենտրոն:

Բացման արարողությանը ներկա է եղել ՀՀ փոխվարչապետ Մհեր Գրիգորյանը, ում  գլխավորությամբ տեղի է ունեցել այս մեծ նախագծի նոր փուլի գործարկումը։

Միջոցառմանը ներկա են եղել նաև ՀՀ Ազգային ժողովի նախագահի տեղակալ,  ՀՀ Ազգային ժողովի նախագահի  լիազորությունները կատարող Հակոբ Արշակյանը,  ՀՀ արդարադատության նախարար Կարեն Անդրեասյանը, Աշխատանքի և սոցիալական հարցերի նախարար Նարեկ Մկրտչյանը,  «ՀայՓոստ» ընկերության տնօրեն Հայկ Կարապետյանը և այլ պաշտոնատար անձիք։ 

Արդարադատության նախարարության և «ՀայՓոստի» հետ համատեղ ստեղծված Քաղաքացիական կենտրոնը Լոռու մարզի բնակիչներին հնարավորություն կտա մեկ վայրում ստանալ շուրջ 110 ծառայություն՝ ՀՀ արդարադատության նախարարության Հարկադիր կատարումն ապահովող ծառայության, ՔԿԱԳ, իրավաբանական անձանց պետական ռեգիստրի գործակալության, Ազգային արխիվի, ՀՀ աշխատանքի և սոցիալական հարցերի նախարարության սոցիալական ապահովության ծառայության, ՀՀ ոստիկանության անձնագրային և վիզաների վարչության, ՀՀ պետական եկամուտների կոմիտեի և ՀՀ կադաստրի կոմիտեի ոլորտներում:

Առաջիկայում ավելի արդիականացված և շուրջ 350-400 հանրային ծառայություններ մատուցող Քաղաքացիական կենտրոն կբացվի նաև Կոտայքի մարզի Աբովյան քաղաքում։

ՀՀ արդարադատության նախարարության և «ՀայՓոստ» ընկերության համագործակցության ամրապնդման նպատակով կողմերի միջև ստորագրվել է համագործակցության հուշագիր։

Այս թեմայով Պաշտպանի ներկայացուցիչներն այս պահին գտնվում են Ոստիկանության ձերբակալվածներին պահելու վայրում՝ Սամվել Վարդանյանին տեսակցելու նպատակով Ոստիկանությանը մաղթում եմ ազնիվ ծառայություն պետությանը, ոչ թե ինչ-ինչ խմբերի ու խմբային շահերի. Աշոտ Ահարոնյան Ինժեներ ամուսինները հիմել են ռոբոտաշինության և ինժեներական հմտությունների կենտրոն Վահագն Հովակիմյանի ընտրությունը ՀՀ ԿԸՀ նախագահի պաշտոնում անհանգստացրել է քաղաքացիական հասարակությանը. զեկույց Վանաձորում կարիճի խայթոցի դեպք է գրանցվել. 16-ամյա աղջիկ է տուժել Հայաստանի կառավարությունը նախատեսում է բժշկական կենտրոններից մեկում ստեղծել սիմուլյացիոն կրթական կենտրոն Տավուշի գյուղերում Ադրբեջանի անկանոն կրակի հետևանքով վնասվել են քաղաքացիական ենթակառուցվածքներ ՅՈՒՆԵՍԿՕ-ի կենտրոնակայանում բացվել են Սերգեյ Փարաջանովի 100-ամյակին նվիրված հոբելյանական ցուցադրությունները Անթույլատրելի է բոլոր բուհերը եւ գիտական կազմակերպությունները մեկ վայրում կենտրոնացնելը․ ՀՀ ԳԱԱ ԿԳՄՍ փոխնախարարն այցելել է «Ճախրուկ» մշակութային կենտրոն