Ամենայն Հայոց Կաթողիկոսն ընդունել է ԵՄ-ում և Եվրոպայում Կանադայի հատուկ բանագնացի գլխավորած պատվիրակությանը

Փետրվարի 26-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Եվրոպական Միությունում և Եվրոպայում Կանադայի հատուկ բանագնաց, Գերմանիայի Դաշնային Հանրապետությունում արտակարգ և լիազոր դեսպան Ստեֆան Դիոնիի գլխավորած պատվիրակությանը։ Այս մասին հայտնում են Մայր Աթոռից:

Նորին Սրբությունը, անդրադառնալով հայ-կանադական բարեկամական հարաբերություններին, իր երախտագիտությունը հայտնեց Կանադայի իշխանություններին Հայոց ցեղասպանության ճանաչման, դատապարտման և արցախյան հիմնախնդրի խաղաղ կարգավարման գործում ներդրած ջանքերի համար։

Վեհափառ Հայրապետը, անդրադարձ կատարելով 44-օրյա պատերազմին, ընդգծեց, որ ռազմական գործողությունների ընթացքում և դրանից հետո էլ ադրբեջանական կողմը շարունակում է ոտնձգություններ կատարել Արցախի պատմական, հոգևոր և մշակութային հուշարձանների նկատմամբ։ Այս առիթով Վեհափառ Հայրապետը հույս հայտնեց, որ Կանադան ևս միջազգային հարթակներում ջանքեր կգործադրի ադրբեջանական վերահսկողության ներքո անցած հայկական հոգևոր-մշակութային ժառանգության պահպանության  առնչությամբ:

Իր հերթին Եվրոպական Միությունում հատուկ բանագնացը, շնորհակալություն հայտնելով Վեհափառ Հայրապետին ջերմ ընդունելության համար, հետաքրքրվեց Արցախի հոգևոր–մշակութային ժառանգության պահպանմանն ուղղված Մայր Աթոռի ծրագրերի մասին։ Այս առումով, Ամենայն Հայոց Կաթողիկոսը տեղեկություններ փոխանցեց դեսպանին Մայր Աթոռում ստեղծված Արցախի հոգևոր-մշակութային ժառանգության հարցերով գրասենյակի գործունեության վերաբերյալ:

Վերջում Ամենայն Հայոց Կաթողիկոսը, իր օրհնությունը բերելով դեսպանին, բարեմաղթեց արդյունավոր առաքելություն:

Այս թեմայով Կաթողիկոսն ընդունել է «Դանիական-հայկական բարեգործական առաքելություն» ՀԿ անդամներին Կաթողիկոսի հանդիսապետությամբ Հանգստյան ժամերգություն է կատարվել Սուրբ Գայանե վանքում Ոչ թե միմյանց դեմ, այլ՝ միասին․ «Հրապարակ» Արցախը միայնակ մնաց իրեն պատած արհավիրքների օրերին, Բաքվի նկրտումները կասեցնել է պետք. Կաթողիկոսի Սուրբծննդյան պատգամը Ամենայն Հայոց Կաթողիկոսին իր գիտական կոչման վկայականը հանձնեց Տ. Աբրահամ քահանա Մալխասյանը Կաթողիկոսը ղպտի գործարարի հետ քննարկել է Արցախից բռնի տեղահանվածների առջև ծառացած մարտահրավերները Ամենայն Հայոց Կաթողիկոսն իր օրհնությունը բաշխեց Երևանի N 1 տուն-ինտերնատի բնակիչներին Արամ Առաջին կաթողիկոսը մեկնել է Վաշինգտոն Կաթողիկոսը Մայր Աթոռ Սուրբ Էջմիածնում ընդունել է ԻԻՀ պատվիրակությանը Կաթողիկոսը Հունգարիայի՝ քրիստոնյաների աջակցության ծրագրի պետքարտուղարի հետ քննարկում է ունեցել