Ձեր անհուն սիրով և հավատքով է զինվորը Հայրենիք պահում. ԿԳՄՍ նախարար

ԿԳՄՍ նախարար Վահրամ Դումանյանը շնորհավորական ուղերձ է հղել Կանանց միջազգային օրվա առթիվ:

«Սիրելի՛ կանայք և աղջիկներ,

Սրտանց շնորհավորում եմ բոլորիդ Մարտի 8-ի՝ Կանանց միջազգային օրվա կապակցությամբ: Այս տոնը կարծես բնորոշում է ձեր գարնանային նուրբ ու եթերային էությունը, մեկ անգամ ևս ուրվագծում և արժևորում ձեր դերն ու կշիռը հասարակության մեջ:

Հատկապես ցանկանում եմ կարևորել և շնորհակալություն հայտնել ձեզ մեր հայրենիքին պատուհասած դժվար օրերին ձեր կամքի, տոկունության և նվիրվածության համար: Դա վկայում էր, որ ձեր անսահման կանացիության ու քնքշության հետևում կանգնած է նաև ուժեղ և կամային հայ կինը, որը, ինչպես պատմության քառուղիներում, այս անգամ ևս հանդես եկավ հայրենասիրության և միասնականության գաղափարներին հավատարիմ:

Սիրելի՛ կանայք, քույրեր,

Վստա՛հ եղեք՝ նաև ձեր անհուն սիրով և հավատքով է զինվորը Հայրենիք պահում, դուք եք կերտում ապագա սերնդի դիմագիծը, դուք եք ոգեշնչում արվեստագետին ու գիտնականին, իսկ սպորտում ձեր հաղթանակները ոչ միայն կամքի և ուժի արտահայտություն են, այլև գեղեցկության հոյակերտ դրսևորում:

Մաղթում եմ, որ ձեր ընտանիքներում մշտապես թևածեն սերն ու ջերմությունը՝ լի հոգեպարար երջանկության թրթիռներով: Թող ձեր կամքն անվարան լինի՝ խաղաղ հայրենիքում ապրելու և արարելու ճանապարհին», - ասված է ուղերձում:

Այս թեմայով «Ձեռս թող արա», «Մի գոռա», «Հիմա ի՞նչ, եկել եք թուրքի ճանապարհն եք պահում». լարված իրավիճակ (տեսանյութ) Եվս մեկ ապտակ Փաշինյանին՝ իր «սիրելի» Արևմուտքից. «Փաստ» Հիշում ենք և պահանջում․ Կանադայի ԱԳ նախարար Սասուն Միքայելյան, դուք եւ ձեր կցորդները, հավաքեք ձեզ. Բագրատ Սրբազան (տեսանյութ) Ինձ համար Հայաստանի սահմանն այնտեղ է, որտեղ կարող է կանգնել հայ զինվորը. Բագրատ Սրբազան (տեսանյութ) Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Անձամբ ՄԻՊ-ի հետ հանդիպում եմ պահանջում․ ինձ անհիմն և անօրինական են պահում կալանքի տակ․ Տոնոյան Մի րոպե, մենակ Դուք եք խոսում. փոխոստիկանապետի խոսելու ձևը` Բագրատ Սրբազանի հետ Կանայք ավելի շատ են պայքարում, տղամարդկանց վախեցրել են․ նոյեմբերյանցի (տեսանյութ) Հանրային գործունեությամբ զբաղվող կանայք առավել շատ են ենթարկվում առցանց հարձակումների. ՄԻՊ