«Սուրբ Աստվածամայր» ԲԿ-ում տիտանե կոնստրուկցիայով գանգի դեֆեկտի աննախադեպ վիրահատություն է կատարվել

Ավտովթարից հետո ծայրահեղ ծանր վիճակով «Սուրբ Աստվածամայր» ԲԿ է տեղափոխվել 8-ամյա աղջնակ՝ գանգուղեղային բաց վնասվածքով, գլխուղեղի ծանր սալջարդով, կոնտուզիոն հեմոռագիկ օջախների առաջացմամբ, աջ քունքոսկրերի բեկորային կոտրվածքներով, թոքերի սալջարդով ու այլ ուղեցող վնասվածքներով, ֆեյսբուքյան իր էջում տեղեկացնում է հիվանդանոցի մամուլի քարտուղար Գևորգ Դերձյանը։

Գանգուղաղային վնասվածքը բուժվել է վիրահատական եղանակով, երեխան դուրս է գրվել մոտ 40 օր անց` գանգի ընդարձակ դեֆեկտով։

Երեխայի ընհանուր վիճակի բարելավումից հետո, տրավմայից մոտ 8 ամիս անց գանգի դեֆեկտը փակելու նպատակով՝ Հայաստանում առաջին անգամ կիրառվել է չափերի մեծացման հնարավորութուն ունեցող տիտանե կոնստրուկցիա։

Տիտանե կոնստրուկցիան պատրաստված է ինդիվիդուալ` ելնելով նախավիրահատական ԿՏ քննությամբ ստացված դեֆեկտի չափերից, ձևից և գանգի սպասվող կոնտուրներից:

Կոնստրուկցիան բազմակոմպոնենտ է, ունի կենտրոնախույս տեղաշարժի հնարավորություն` ըստ մանկական գանգի հետագա աճի ուղղությունների:

Այսպիսով կոնստրուկցիան ապահովելու է ուղեղանյութի պաշտպանությունն արտաքին վնասվածքներից, վերականգնելու է գանգի նորմալ կոնտուրները և մյուս կողմից չի խոչընդոտելու դեֆեկտի տեղամասում գանգի հետագա աճին:

Տիտանե կոնստրուկցիան պատրաստել է Digital Diagnostic Center-ը: Երեխայի համար այն տրամադրվել է որպես նվիրատվություն։

Այս թեմայով Հարավկորեացի պլաստիկ վիրաբույժը հայտնի է դարձել համացանցում իր աշխատանքի շնորհիվ (լուսանկարներ) Նոր լազերով 10 վիրահատություն արվել է, ՊՆ հոսպիտալը համալրվեց ԱՄՆ-ում անգամ քիչ հանդիպող տեխնիկայով Վիրահատությունից հետո կնոջ ստամոքսում մոռացել են 17 սանտիմետրանոց գործիք Վերջույթների երկարացման վիրահատությունն օգնել է տղամարդուն հաղթահարել դեպրեսիան Հրանտ Թոխատյանը կվիրահատվի Աշխարհի ամենամեծ շուրթերով աղջիկը խոսել է դրանք էլ ավելի մեծացնելու ցանկության մասին Հայաստանում հազվադեպ վիրահատություն են իրականացրել Սխալ վիրահատություն են արել, 6-ամյա աղջիկը մահացել է. մայրը դիմել է գլխավոր դատախազին Կինը 20 տարի ապրել է ստամոքսի մեջ մկրատով Բժիշկները տղամարդու աչքից հինգ սանտիմետրանոց ճյուղ են հանել (լուսանկար)