Ստեփանավանի բժշկական կենտրոնում տղամարդն ինքնավնասում է կատարել

Ոստիկանության Ստեփանավանի բաժնի հետաքննական բաժանմունքում նյութեր են նախապատրաստվում մարտի 21-ին «Ստեփանավան» բժշկական կենտրոնում տեղի ունեցած խուլիգանության փաստով: Այս մասին հայտնում է Shamshyan.com-ը:

Այդ օրը ոստիկանության Ստեփանավանի բաժնի համայնքային ոստիկանության բաժանմունքի տեսուչը տեղեկություններ է ստացել, որ նույն օրը՝ ժամը 16:00-ի սահմաններում Երևանի բնակիչ, «Ստեփանավան» բժշկական կենտրոնի վիրաբույժ Արմեն Պողոսյանին, նույն բժշկական կենտրոնի ընդունարանի բուժքույր  Մելինե Սաքանյանին, Լոռու մարզի բնակիչ, նշված բժշկական կենտրոնում փորձաշրջան անցնող Վարդուհի Գիշյանին, նշված բժշկական կենտրոնի վիրակապարանի բուժքույր Սուսաննա Եղիազարյանին, Ստեփանավանի բնակիչ, ընդունարանի մայրապետ Նարինե Թամարյանին, Լոռու մարզի բնակիչ նշված բժշկական կենտրոնում փորձաշրջան անցնող Լիլիթ Չիպլիյանին և նշված բժշկական կենտրոնի շտապօգնության բժիշկ, Երևանի բնակիչ Հայկ Խաչատրյանին  աշխատանքի վայրում խոչընդոտել է, չթողնելով իրենց մասնագիտական աշխատանքը կատարեն Լոռու մարզի բնակիչ, Գագիկ Գյոզալյանը, ով ալկոհոլի ազդեցության տակ իրեն դրսևորել է ոչ ադեկվատ, ցուցաբերել է ագրեսիվ պահվածք, մոտ 30 րոպե  անհասցե սեռական բնույթի հայհոյանքներ է հնչեցրել, այդ կերպ բացահայտ անհարգալից վերաբերմունք է  դրսևորել  բուժաշխատողների նկատմամբ, խանգարել բուժաշխատողների բնականոն աշխատանքը:

Գ. Շամշյանի տեղեկություններով՝ Գ. Գյոզալյանը նշված բժշկական կենտրոն էր տեղափոխվել «ցնորա-զառանցանքային համախտանիշ, խրոնիկ ալկոհոլիզմ 2-րդ աստիճան» ախտորոշմամբ, իսկ այդ օրը «Ստեփանավան» բժշկական կենտրոնում բժիշկների ներկայությամբ ինքնավնասում է կատարել:

Այդ մասին ոստիկաններին հայտնել են նշված բժշկական կենտրոնից:

Գ. Գյոզալյանը  ոստիկանության Ստեփանավանի բաժնից  բաց է թողնվել: