«Այս տարի մենք պարենի երկնիշ գնաճ ենք ունենալու»․ «Փաստ»

«Փաստ» օրաթերթը գրում է.

«Օրեր առաջ խանութներում սկսված խուճապային գնումների «բումը», կարծես, անցավ, այլևս մարդիկ ամիսների պաշար չեն հավաքում: Փոխարենը լուրջ գնաճ է արձանագրվում ամենօրյա ռեժիմով, որը սրընթաց դատարկում է մեր քաղաքացիների «գրպանները»: Տնտեսագետ Սուրեն Պարսյանը «Փաստի» հետ զրույցում նշում է, որ հայ սպառողը պարենի դեֆիցիտ չի ունենալու, բայց ստիպված է լինելու շատ վճարել պարենի համար, քանի որ համաշխարհային շուկայում գները շարունակելու են բարձրանալ:

Տնտեսագետի համոզմամբ, այս տարի մենք պարենի երկնիշ գնաճ ենք ունենալու, ինչի հիմքերն արդեն կան: «Հունվար-փետրվարին 6,5 տոկոս գնաճ է արձանագրվել, իսկ պարենային ապրանքների գները 11,8 տոկոսով են աճել: Անցած տարի առկա գնաճային իրավիճակը փոխանցվել է նաև այս տարվան, ինչին գումարվեց նաև ռուս-ուկրաինական հակամարտության գործոնը, ինչը համաշխարհային շուկայում պարենի գների աճին է հանգեցնելու»,-ասում է Պարսյանը՝ ընդգծելով, որ մենք մեծ կախվածություն ունենք ներկրումից, իսկ դրամի արժեզրկումն իր հերթին հանգեցնում է ներկրվող ապրանքների թանկացմանը:

Հայաստանում գրեթե միշտ, հիմա՝ առավել ևս, դրամի արժեզրկման դեպքում միանգամից գնաճ է արձանագրվում, բայց երբ դրամն արժևորվում է, գնանկում այդպես էլ չի լինում: Պարսյանը որպես առաջին պատճառ նշում է, որ ներկրողները մտահոգություն ունեն, թե դոլարի փոխարժեքը էլի կտրուկ կարող է բարձրանալ. «Երկրորդ՝ իրենց համար ֆինանսական բարձիկներ են ստեղծում, որ նման տատանումներից զերծ պահեն իրենց: Մյուս հանգամանքը, ինչի պատճառով գնանկում չենք տեսնում, մեր շուկային բնորոշ մենաշնորհներն են, նրանց քաղաքականությունը: Ներկրող խոշոր տնտեսվարողները շուկայում գին են թելադրում, մրցակցություն չկա, որը կստիպի նրանց գին իջեցնել»,- ասում է տնտեսագետը»:

Առավել մանրամասն՝ թերթի այսօրվա համարում

Այս թեմայով Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Մենք Հայաստանի Հանրապետությունից ոչ մի տարածք էլ չենք տալիս. Տավուշի ոստիկանապետը կրկնում է ՔՊ-ին Մենք մշտապես կարևորում ենք հայ-ֆրանսիական խորհրդարանական հարաբերությունների զարգացումը․ Վարդանյան Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև Մենք միշտ Հայոց ցեղասպանության ողբերգությունն ընդունել ենք` որպես մեր սեփական ցավը. Զախարովա Մենք սգում ենք նրանց, ովքեր սպանվեցին Հայոց ցեղասպանության ժամանակ․ Սամանթա Փաուեր «Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. «Փաստ» Առկա պայմաններում դիվերսիֆիկացիայի մասին խոսելն ուղղակի անհեթեթություն է. «Փաստ» «Սահմանազատման» հակաիրավական գործընթացի անիվը. «Փաստ» Վարձու աշխատողի՝ եկամտային հարկի վերաբերյալ տեղեկատվությունը հարկային մարմին կներկայացնի գործատուն. «Փաստ»